प्रभास, दीपिका पदुकोण आणि अमिताभ बच्चन यांसारख्या दिग्गज कलाकारांची भूमिका असलेला ‘कल्की 2898 एडी’ (Kalki 2898 AD) हा चित्रपट बॉक्स ऑफिसवर (Box Office) दररोज नवनवे विक्रम करत आहे. या चित्रपटाने 10 दिवसांत भारतात 465 कोटींहून अधिक कमाई केली होती. त्यातच आता 11 व्या दिवशीही या चित्रपटाने मोठा विक्रम केला आहे.बॉक्स ऑफिसवर या चित्रपटाने 11 दिवसात 500 कोटींची कमाई केली आहे. याचा टीझर आणि ट्रेलर रिलीज झाल्यानंतर प्रेक्षक या चित्रपटाची आतुरतेने वाट पाहत होते. अखेर हा चित्रपट प्रदर्शित झाला असून तो पाहण्यासाठी प्रेक्षक थिएटरमध्ये गर्दी करतानाही दिसून आले आहेत.
प्रभास आणि दीपिका पदुकोण यांच्या ‘कल्की 2898 एडी’ या चित्रपटाने जगभरातील प्रेक्षकांची मने जिंकली आहेत. या चित्रपटाने आतापर्यंत 11 दिवसांत 500 कोटींहून अधिक कमाई केली आहे. नाग अश्विनच्या दिग्दर्शनाखाली बनलेला हा चित्रपट रविवारीच 500 कोटींचा आकडा गाठेल अशी अपेक्षा होती आणि तसेच घडलेले दिसून आले. हा चित्रपट भारतातच नाही तर परदेशातही चांगली कमाई करत आहे
बॉक्स ऑफिस ट्रॅकर सॅकनिल्कच्या मते, ‘कल्की 2898 एडी’ ने रिलीजच्या 11व्या दिवशी 41.3 कोटी रुपयांचा व्यवसाय केला, ज्यामुळे बॉक्स ऑफिसवरील एकूण कलेक्शन 507 कोटी रुपये झाले. त्यापैकी एकट्या हिंदीत या चित्रपटाने २११.९ कोटींची कमाई केली आहे. 600 कोटींच्या बजेटमध्ये बनलेला हा चित्रपट हिंदी, तमिळ, तेलगू, कन्नड आणि मल्याळम भाषांमध्ये प्रदर्शित झाला आहे.
आत्तापर्यंत अनेक भारतीय चित्रपटांनी भारतात 500 कोटींची कमाई केली आहे. यामध्ये बाहुबली 2, गदर 2, केजीएफ 2, पठाण, जवान, दंगल, बजरंगी भाईजान, आरआरआर आणि ॲनिमल या चित्रपटांचा समावेश आहे. मात्र कल्की हा सर्वात जलद 500 कोटींचा टप्पा पार करणारा चित्रपट ठरला आहे.
