उत्तर प्रदेशातील हाथरस येथे सत्संगादरम्यान झालेल्या चेंगराचेंगरीत १२१ जणांना जीव गमवावा लागला. त्यानंतर सरकारने या प्रकरणाचा तपास एसआयटीकडे सोपवला. एसआयटीने 128 लोकांचे जबाब नोंदवले आणि घटनास्थळाची तीन वेळा सविस्तर पाहणी केली. त्यानंतर एसआयटीने आपला अहवाल योगी सरकारला सादर केला. मोठी गोष्ट म्हणजे एसआयटीच्या अहवालात सूरजपाल जाटव म्हणजेच भोले बाबा यांचे नाव आलेले नाही. त्यानंतर यावरून राजकारण सुरू झाले आहे.
यूपीच्या माजी मुख्यमंत्री आणि बसपा प्रमुख मायावती यांनी एसआयटीच्या अहवालावर प्रश्न उपस्थित केले असून मायावतींनी एसआयटीच्या अहवालाला राजकीय हेतूने प्रेरित म्हटले आहे. त्याचवेळी मायावतींनी बाबांबाबत सरकारच्या मौनावरही निशाणा साधला आहे. योगी सरकारला खडेबोल सुनावत बसपा प्रमुख म्हणाले की, बाबांवर कठोर कारवाई करण्याऐवजी त्यांना क्लीन चिट देण्याचा प्रयत्न हा चर्चेचा विषय आहे. अशा घटना पुन्हा घडू नयेत यासाठी सरकारने लक्ष घालावे.
मायावतींनी सोशल मीडिया प्लॅटफॉर्म X वर लिहिले, ”हाथरसमध्ये चेंगराचेंगरीत 121 निष्पाप महिला आणि मुलांचा मृत्यू हा सरकारच्या निष्काळजीपणाचा जिवंत पुरावा आहे. एसआयटीचा अहवाल राजकीय हेतूने प्रेरित असल्याचे बसपा प्रमुख म्हणाल्या.” एसआयटीच्या अहवालात स्थानिक एसडीएम, मंडळ अधिकारी, तहसीलदार, निरीक्षक आणि चौकी प्रभारी यांच्यावर निष्काळजीपणाचा आरोप करण्यात आला आहे. सरकारने तत्काळ कारवाई करत एसडीएम, एक मंडळ अधिकारी आणि अन्य चार जणांना निलंबित केले. एसआयटीने अनेक सत्संगांच्या आयोजकांनाही दोषी घोषित केले आहे.
हातरस दुर्घटनेनंतर विशेष तपास पथक म्हणजेच SIT ने आपला अहवाल योगी सरकारला सादर केला आहे. त्यानंतर सीएम योगी यांनी दोषी अधिकाऱ्यांवर मोठी कारवाई केली आहे. या अहवालाच्या आधारे सीएम योगी यांनी स्थानिक एसडीएम, सीओ आणि तहसीलदारांसह 6 अधिकाऱ्यांना निलंबित केले आहे. 128 जणांची चौकशी केल्यानंतर एसटीआयने सुमारे 450 पानांचा अहवाल तयार करून सरकारला सादर केला होता. ज्यामध्ये अनेक अधिकाऱ्यांवर निष्काळजीपणाचा आरोप करण्यात आला आहे. तसेच सत्संगाचे आयोजन करणाऱ्या समितीला लक्ष्य करण्यात आले. तर सूरजपाल उर्फ साकार विश्व हरी याच्या नावाचा त्यात उल्लेख नव्हता.
