पंतप्रधान नरेंद्र मोदी आज मुंबई दौऱ्यावर येणार आहेत. लोकसभा निवडणूक झाल्यानंतर मोदी पहिल्यांदाच महाराष्ट्रात येत आहेत. पंतप्रधान नरेंद्र मोदी आज मुंबई हजारो कोटींच्या प्रकल्पांचे लोकार्पण आणि भूमिपूजन करणार आहेत. मुंबई पूर्व आणि पश्चिम मार्गाला जोडणाऱ्या गोरेगाव-मुलुंड जोड रस्त्याच्या प्रकल्पाचा देखील यात समावेश आहे. काही टनेलचे लोकार्पण व भूमिपूजन मोदी करणार आहेत. पंतप्रधान मोदी आज सुमारे २९,४०० कोटी रुपयांच्या प्रकल्पांची पायाभरणी व लोकार्पण करणार आहेत. लोकसभा निवडणुकीआधी मोदी यांनी अनेकदा मुंबई दौरा केला आहे. मात्र आजच्या दौरा हा आगामी विधानसभा निवडणुकीच्या पार्श्वभूमीवर महत्वाचा समजला जात आहे.
लोकसभा निवडणुकीनंतर पंतप्रधान मोदी आज मुंबई दौऱ्यावर; २९,४०० कोटींच्या कामांचे लोकार्पण
