भारतीय जनता पक्षाचे (भाजप) राष्ट्रीय अध्यक्ष जेपी नड्डा यांचा कार्यकाळ संपुष्टात आला आहे. त्यांचा कार्यकाळ जून 2024 पर्यंत वाढवण्यात आला असला तरी आता त्यांना सरकारमध्ये महत्त्वाच्या जबाबदाऱ्या सोपवण्यात आल्या आहेत. त्यामुळे भाजप आता नव्या अध्यक्षाच्या शोधात आहे.
या वर्षी डिसेंबरपर्यंत नवीन राष्ट्रीय अध्यक्षाची नियुक्ती करण्याचे भाजपचे उद्दिष्ट आहे. या पदासाठीची निवडणूक प्रक्रिया 1 ऑगस्टपासून सुरू होणार आहे. भाजपकडून राष्ट्रीय अध्यक्षांच्या निवडीपूर्वी जिल्हा आणि राज्य एककांच्या बळकटीकरणासह व्यापक सदस्यत्व मोहीम राबविण्यात येणार आहे.
भाजपचा नवा राष्ट्रीय अध्यक्ष निवडण्याची प्रक्रिया 1 ऑगस्टपासून सुरू होणार आहे. सुरुवातीला सदस्यत्व मोहीम राबविण्यात येणार आहे, जी 15 सप्टेंबरपर्यंत चालणार आहे. त्यानंतर 16 सप्टेंबर ते 30 सप्टेंबरपर्यंत सक्रिय सदस्यत्व मोहीम राबवण्यात येणार आहे. ऑक्टोबरपासून 1 ते 15 ऑक्टोबर या कालावधीत सक्रिय सदस्यत्वाची पडताळणी केली जाईल.
भाजप पक्षाच्या घटनेनुसार प्रत्येक सदस्याला दर नऊ वर्षांनी सदस्यत्वाचे नूतनीकरण करणे आवश्यक आहे. या वर्षी, सदस्यत्व मोहिमेसाठी पंतप्रधान, पक्षाध्यक्ष आणि सर्व पक्षांच्या नेत्यांना त्यांच्या सदस्यत्वाचे नूतनीकरण करावे लागेल.
1 नोव्हेंबर ते 15 नोव्हेंबर दरम्यान भाजप अध्यक्षांसाठी निवडणूक घेणार आहे. यानंतर 16 नोव्हेंबर ते 30 नोव्हेंबर या कालावधीत जिल्हाध्यक्षांची निवडणूक होणार आहे.
मंडल आणि जिल्हाध्यक्षांच्या निवडणुकीनंतर राज्य परिषद आणि केंद्रीय परिषदेच्या सदस्यांची निवड होणार असल्याचे भाजपमधील सूत्रांकडून समजते. या निवडणुकांनंतरच प्रदेशाध्यक्ष निवडीची प्रक्रिया सुरू होईल.
प्रदेशाध्यक्षांच्या निवडणुकीची प्रक्रिया 1 डिसेंबरपासून सुरू होईल. 50 टक्के राज्यांतील निवडणुका पूर्ण झाल्यानंतर भाजपच्या ष्ट्रीय अध्यक्षांच्या निवडीची अधिकृत प्रक्रिया सुरू होईल.
