पंतप्रधान नरेंद्र मोदी यांनी शुक्रवारी उर्सुला वॉन डेर लेयन ( Ursula von der Leyen )यांचे युरोपियन कमिशनच्या अध्यक्षपदी दुसऱ्यांदा निवड झाल्याबद्दल त्यांचे अभिनंदन केले.
जागतिक हितासाठी भारत-युरोपियन कमिशन भागीदारी मजबूत करण्यासाठी एकत्र काम करण्यास उत्सुक असल्याचे पंतप्रधान मोदी म्हणाले आहेत. .आपल्या एक्सवरील पोस्टमध्ये ते म्हणाले आहेत की,
“अभिनंदन, @vonderleyen, तुमची युरोपियन कमिशनच्या अध्यक्षपदी पुनर्निवड झाल्याबद्दल. जागतिक भल्यासाठी भारत-युरोपियन आयोग धोरणात्मक भागीदारी मजबूत करत एकत्र काम करण्यास उत्सुक आहे.”
28 जून रोजी, युरोपियन युनियन (EU) नेते नुकतेच ब्रुसेल्समध्ये पुढील पाच वर्षांसाठी ब्लॉकच्या नेतृत्वावर तोडगा काढण्यासाठी जमले होते,यावेळी इटालियन आणि हंगेरियन नेत्यांनी मतभेद व्यक्त केले होते. इटलीच्या जॉर्जिया मेलोनी आणि हंगेरीच्या व्हिक्टर ऑर्बन यांच्या विरोधाला न जुमानता, उर्सुला वॉन डेर लेयन, अँटोनियो कोस्टा आणि काजा कॅलास यांना शिखर परिषदेत प्रमुख EU पदांवर नामांकन देण्यात आले.
उर्सुला वॉन डेर लेयन यांनी युरोपियन कमिशनचे अध्यक्ष म्हणून दुसरी टर्म सुरक्षित केली, तर पोर्तुगालचे माजी पंतप्रधान अँटोनियो कोस्टा यांची युरोपियन कौन्सिलचे अध्यक्ष म्हणून नियुक्ती करण्यात आली. काजा कॅलास, एस्टोनियन पंतप्रधान, यांना परराष्ट्र व्यवहार आणि सुरक्षा धोरणासाठी उच्च प्रतिनिधीच्या भूमिकेसाठी नामांकन देण्यात आले.
“दुसऱ्या जनादेशासाठी माझ्या नामांकनाला मान्यता देणाऱ्या नेत्यांचे मी कृतज्ञता व्यक्त करू इच्छितो,” वॉन डेर लेयन यांनीअसे त्यांच्या पुन्हा नामांकनावर सांगितले. “मी खूप सन्मानित आहे.”अशी भावना त्यांनी व्यक्त केली आहे.
राजनयिक सूत्रांनी दिलेल्या माहितीनुसार, इटालियन पंतप्रधान मेलोनी यांनी कोस्टा आणि कॅलास यांच्या विरोधात आवाज उठवला आणि व्हॉन डेर लेयन यांच्या नामांकनाला अनुमोदन दिले.तर ऑर्बन यांनी वॉन डर लेयनच्या उमेदवारीला विरोध केला परंतु अलिप्त राहून कोस्टा यांना पाठिंबा दिला.
कोस्टा यांनी आपली नवीन भूमिका स्वीकारताना मिशनची भावना व्यक्त केली आणि असे म्हटले की, “मी युरोपियन कौन्सिलचा पुढील अध्यक्ष म्हणून जबाबदारी स्वीकारणार आहे असे त्या म्हणाल्या आहेत.
