अभिनेते सचिन पिळगावकर अशोक सराफ सुप्रिया पिळगावकर या मंडळींच्या अभिनयाने गाजलेला नवरा माझा नवसाचा हा पिक्चर आपण सर्वांनीच पाहिला आहे. दरम्यान तब्बल 19 वर्षानंतर या सिनेमाचा दुसरा भाग लवकरच प्रेक्षकांसाठी उपलब्ध होणार आहे. तर नवरा माझा नवसाचा पार्ट टू या चित्रपटाची रिलीज डेट आणि त्या चित्रपटाविषयी थोडक्यात जाणून घेऊयात.
नवरा माझा नवसाचा 2 या सिनेमाचा दुसरा भाग लवकरच प्रेक्षकांच्या भेटीसाठी येणार आहे. नुकतीच या सिनेमाची रिलीज डेट जाहीर करण्यात आली आहे. त्यामुळे प्रेक्षकांची उत्सुकता देखील शिगेला पोहोचली आहे. येत्या 20 सप्टेंबर रोजी नवरा माझा नवसाचा 2 हा सिनेमा प्रेक्षकांच्या भेटीला येणार आहे. नुकताच या सिनेमाचा एक टिझर देखील लाँच करण्यात आलाय.
नवरा माझा नवसाचा २ या चित्रपटांमध्ये अशोक सराफ, सिद्धार्थ जाधव, सचिन पिळगावकर, स्वप्निल जोशी, हिमल इंगळे, सुप्रिया पिळगावकर अशी अभिनय क्षेत्रातील दिग्गज मंडळी आपल्याला पाहायला मिळणार आहेत विशेष म्हणजे या चित्रपटात गणपतीपुळेचा प्रवास हा सर्वसामान्यांच्या तसेच कोकणकरांच्या जिव्हाळ्याशी संबंधित असलेल्या कोकण रेल्वेने होणार आहे. येत्या 20 सप्टेंबर पासून हा सिनेमा प्रेक्षकांच्या भेटीला येत आहे. आणि सगळ्यात महत्त्वाचा आणि खास गोष्ट म्हणजे तब्बल 19 वर्षांनी या चित्रपटाचा सिक्वेल आपल्याला पाहायला मिळणार आहे.
