NEET UG पेपर लीक प्रकरणी सर्वोच्च न्यायालयाचा अंतिम निर्णय आला आहे. फेरपरीक्षेची मागणी सर्वोच्च न्यायालयाने फेटाळून लावली आहे. सर्वोच्च न्यायालयाने ही परीक्षा पुन्हा घेतली जाणार नसल्याचे सांगितले. परीक्षेचे पावित्र्य भंग झाल्याचे दाखवण्यासाठी पुरेसे पुरावे नाहीत, असे न्यायालयाने म्हटले आहे. संपूर्ण देशात पेपरफुटीचे पुरेसे पुरावे मिळालेले नाहीत, त्यामुळे परीक्षा रद्द करण्याची मागणी योग्य नाही, असे सर्वोच्च न्यायालयाने म्हटले आहे.
न्यायालयाने म्हटले आहे की चालू वर्षासाठी नवीन NEET UG आयोजित करण्याच्या सूचना देणे हा गंभीर परिणामांसह निर्णय असेल, ज्याचे परिणाम या परीक्षेत बसलेल्या 24 लाखांहून अधिक विद्यार्थ्यांना भोगावे लागतील. मुख्य न्यायमूर्ती डीवाय चंद्रचूड, न्यायमूर्ती जेबी पार्डीवाला आणि न्यायमूर्ती मनोज मिश्रा यांच्या खंडपीठाने सांगितले की, हजारीबाग आणि पाटणा येथे पेपर लीक झाले हे खरे आहे, परंतु हा वादाचा मुद्दा नाही.
याचिकाकर्त्यांच्या वकिलांनी अशी मागणी केली होती की 5 मे रोजी झालेल्या एनईईटीला प्रिलिम मानण्यात यावे आणि आता मुख्य परीक्षा घेण्यात यावी. आणखी एक सूचना देण्यात आली होती की NEET मध्ये उत्तीर्ण झालेल्या सर्व विद्यार्थ्यांनी पुन्हा एकदा परीक्षा द्यावी. परंतु न्यायालयाने पुराव्याअभावी परीक्षा रद्द करण्यास नकार दिला. सर्वोच्च न्यायालयाच्या निर्देशानुसार, IIT तज्ञांनी मंगळवारी न्यायालयात वादग्रस्त प्रश्नावर आपला अहवाल सादर केला, ज्यामध्ये पर्याय 4 योग्य उत्तर म्हणून ग्राह्य धरण्यात आला आहे. उद्यापासून NEET साठी समुपदेशनही सुरू होणार आहे.
दरम्यान, NEET UG पेपर लीक प्रकरणी सर्वोच्च न्यायालयाच्या आदेशानंतर नॅशनल टेस्टिंग एजन्सी म्हणजेच NTA ने सर्व विद्यार्थ्यांचे निकाल जाहीर केले आहेत. एनटीएने केंद्र व शहरनिहाय निकाल वेबसाइटवर अपलोड केला आहे. विद्यार्थी NTA च्या अधिकृत वेबसाइट https://exams.nta.ac.in/NEET/ वर जाऊन निकाल पाहू शकतात.
