Rule Change : जुलै महिना संपायला आता काहीच दिवस शिल्लक आहेत. त्यानंतर ऑगस्ट महिन्याला सुरुवात होईल. 1 ऑगस्टपासून देशात अनेक मोठे बदल पाहायला मिळतील ज्याचा थेट परिणाम तुमच्या खिशावर होऊ शकतो. यामध्ये एलपीजी सिलिंडरच्या किंमतीपासून ते क्रेडिट कार्डच्या नियमांमधील बदलांपर्यंत सर्व गोष्टींचा समावेश आहे. चला बदलांबद्दल जाणून घेऊया…
एलपीजीच्या किमती
तेल विपणन कंपन्या प्रत्येक महिन्याच्या पहिल्या दिवशी एलपीजी सिलिंडरच्या किमती बदलतात. 1 ऑगस्ट 2024 रोजी देखील एलपीजीच्या किमतीत बदल होऊ शकतात. अलीकडच्या काळात 19 किलोच्या व्यावसायिक गॅस सिलिंडरच्या किमतीत अनेक बदल दिसून आले असले तरी 14 किलोच्या घरगुती गॅस सिलिंडरच्या किमतीत कोणताही बदल झालेला नाही. १ जुलैलाही राजधानी दिल्लीत कमर्शियल पीएलजी सिलिंडरची किंमत ३० रुपयांनी कमी झाली होती. अशा परिस्थितीत यंदा घरगुती सिलिंडरच्या दरात दिलासा मिळण्याची अपेक्षा आहे.
ATF आणि CNG-PNG दर
देशभरात महिन्याच्या पहिल्या दिवशी एलपीजी सिलिंडरच्या किमतीत झालेल्या बदलाबरोबरच, तेल विपणन कंपन्या हवाई इंधनाच्या म्हणजेच एअर टर्बाइन इंधन (ATF) आणि CNG-PNG च्या किमतींमध्येही सुधारणा करतात. त्यांच्या नवीन किमती 1 ऑगस्ट 2024 रोजी देखील जाहीर केल्या जाऊ शकतात. उल्लेखनीय आहे की यापूर्वी एप्रिल महिन्यात एटीएफच्या किमती कमी करण्यात आल्या होत्या.
HDFC बँक क्रेडिट कार्ड
1 ऑगस्टची रोजी खाजगी क्षेत्रातील सर्वात मोठी बँक असलेल्या HDFC बँक क्रेडिट कार्डच्या वापरकर्त्यांसाठी मोठे अपडेट मिळू शकतात. CRED, Paytm, Mobikwik, Freecharge आणि इतर ॲप्सद्वारे HDFC बँक क्रेडिट कार्डद्वारे भाडे भरले असल्यास, त्या व्यवहारावर 1 टक्के शुल्क आकारला जाईल आणि प्रति व्यवहार मर्यादा 3,000 रुपये निश्चित केली आहे. 15,000 रुपयांपेक्षा कमी व्यवहारांसाठी कोणतेही अतिरिक्त शुल्क आकारले जाणार नाही, तथापि, 15,000 रुपयांपेक्षा जास्त व्यवहारांवर एकूण रकमेवर 1 टक्के शुल्क आकारला जाईल.
गुगल मॅप शुल्क
गुगल मॅप 1 ऑगस्ट 2024 पासून भारतात त्यांचे नियम बदलणार आहे. जी 1 तारखेपासून संपूर्ण देशात लागू होणार आहे. जगातील सर्वात मोठ्या सर्च इंजिनने भारतात गुगल मॅप सेवेचे शुल्क ७० टक्क्यांनी कमी करण्याची घोषणा केली आहे. याशिवाय आता गुगल आपल्या मॅप सेवेचे पेमेंट डॉलरऐवजी भारतीय रुपयांमध्ये घेणार आहे.
बँक सुट्टी
ऑगस्ट महिन्यात बँकेशी संबंधित कोणतेही काम असल्यास, प्रथम रिझर्व्ह बँक ऑफ इंडिया (RBI) ने जारी केलेली बँक सुट्टीची यादी पहा. ऑगस्टच्या बँक हॉलिडे लिस्टनुसार, संपूर्ण महिन्यात 13 दिवस बँका बंद राहणार आहेत. रक्षाबंधन, जन्माष्टमी, स्वातंत्र्यदिन अशा विविध सोहळ्यांमुळे बँकांना सुट्ट्या असतील. या सुट्ट्यांमध्ये दुसऱ्या आणि चौथ्या शनिवार आणि रविवारी येणाऱ्या साप्ताहिक सुट्ट्यांचाही समावेश आहे.
