निवडणूक आयोगाने जम्मू-काश्मीरमध्ये या वर्षाच्या अखेरीस निवडणुका घेण्याची तयारी सुरू केली आहे. या पार्श्वभूमीवर आयोगाचे एक पथक 8 ते 10 ऑगस्ट दरम्यान केंद्रशासित प्रदेशाचा दौरा करेल आणि येथे निवडणुका घेण्याच्या शक्यता पडताळून पाहतील.
मुख्य निवडणूक आयुक्त राजीव कुमार स्वतः आयोगाच्या टीमचे नेतृत्व करणार असल्याचे सांगण्यात आले आहे. त्यांच्यासोबत इतर 2 निवडणूक आयुक्त – ज्ञानेश कुमार आणि एसएस संधू देखील उपस्थित राहणार आहेत. निवडणूक आयोगाची टीम प्रथम श्रीनगरमध्ये राजकीय पक्षांची भेट घेणार आहे. याशिवाय ही टीम केंद्रशासित प्रदेशातील मुख्य निवडणूक अधिकारी आणि केंद्रीय दलाच्या अधिकाऱ्यांनाही भेटणार आहे.
याशिवाय निवडणूक आयोगाची टीम मुख्य सचिव, डीजीपी, जिल्हा निवडणूक अधिकारी आणि सर्व जिल्ह्यांच्या पोलिस अधीक्षकांचीही भेट घेणार आहे. यानंतर 10 ऑगस्ट रोजी निवडणूक आयोगाची टीम जम्मूला भेट देईल आणि विविध सुरक्षा यंत्रणांना भेटेल. यानंतर निवडणूक आयुक्त जम्मूमध्येच पत्रकार परिषदेला संबोधित करतील आणि निवडणुकीच्या तयारीबाबत प्रसिद्धी माध्यमांना माहिती देतील.
निवडणूक आयोगाच्या सूत्रांनी दिलेल्या माहितीनुसार, 8 आणि 9 ऑगस्ट रोजी तिन्ही आयुक्त आणि आयोगाचे उच्च अधिकारी राजकीय पक्ष, मुख्य निवडणूक अधिकारी आणि इतर जिल्ह्यांतील प्रशासकीय आणि पोलिस अधिकाऱ्यांची सुरक्षा दलांची तैनाती, हालचाली, निवडणूक यासंदर्भात बैठक घेणार आहेत. जम्मू निवडणूक आयोग 9 ऑगस्टच्या दुपारपासून 10 ऑगस्टच्या संध्याकाळपर्यंत श्रीनगरमध्ये राहील.
जम्मू-काश्मीरसह चार राज्यांमध्ये विधानसभा निवडणुका घेण्याच्या दिशेने निवडणूक आयोगाने एक पाऊल पुढे टाकले आहे. आयोगाने चार राज्यांचे मुख्य सचिव आणि मुख्य निवडणूक अधिकाऱ्यांना पत्र पाठवून अधिकाऱ्यांच्या नियुक्त्या आणि बदल्यांबाबत इशारा दिला आहे.
लोकसभा निवडणुका शांततेत आणि उत्साहात पार पडल्यानंतर आणि विक्रमी मतदान झाल्यानंतर मात्र जम्मू काश्मीरमध्ये गेल्या महिनाभरात दहशतवादी घटनांमध्ये वाढ झाली आहे. मात्र, सर्वोच्च न्यायालयाने ३० सप्टेंबरपूर्वी राज्यात निवडणुका घेण्याचे आदेश दिले आहेत.
.
