खासदार स्वाती मालीवाल यांच्यावर हल्ला केल्याचा आरोप असलेल्या बिभव कुमारच्या अटकेला आव्हान देणारी याचिका दिल्ली उच्च न्यायालयाच्या न्यायमूर्ती नीना बन्सल कृष्णा यांनी फेटाळली आहे. न्यायालयाने ८ जुलै रोजी निर्णय राखून ठेवला होता. आम आदमी पक्षाच्या खासदार आणि नेत्या स्वाती मालिवाल यांना मुख्यमंत्री अरविंद केजरीवाल यांच्या निवासस्थानी मारहाण झाल्याच्या प्रकरणात विभव कुमार सध्या तुरुंगात आहेत. विभव कुमार हे मुख्यमंत्र्यांचे पीए होते.
सुनावणीदरम्यान बिभवचे वकील एन हरिहरन म्हणाले होते की, या प्रकरणात अटक करण्याची गरज आहे की नाही हे तपास अधिकाऱ्याने बघायला हवे होते. त्यानंतरच त्याला अटक करायला हवी होती. अर्नेश कुमारच्या निर्णयाच्या आधारे अटकेला आव्हान दिले जाऊ शकते, असे ते म्हणाले होते. बिभवच्या वकिलाने सांगितले की, अटकेचा आधार आणि कारण अटकेपूर्वी आरोपींना सांगण्यात आले नव्हते. अटकेचे कारण लिखित स्वरूपात नोंदवावे लागते. फौजदारी प्रक्रियेच्या कलम 41A च्या तरतुदींचे उल्लंघन केले आहे. बिभव कुमारने आपली अटक बेकायदेशीर ठरवत नुकसानभरपाईची मागणी केली होती. बिभव कुमार म्हणाले की, त्याला अटक करताना फौजदारी प्रक्रिया संहितेच्या कलम 41A चे पालन केले गेले नाही.
या प्रकरणी स्वाती मालीवाल यांनी 17 मे रोजी कोर्टात जबाब नोंदवला होता. घटना १३ मेची आहे. 16 मे रोजी दिल्ली पोलिसांनी स्वाती मालीवाल यांचे जबाब नोंदवून एफआयआर नोंदवला होता. बिभव कुमारनेही दिल्ली उच्च न्यायालयात जामीन याचिका दाखल केली असून ती अद्याप प्रलंबित आहे. दिल्ली पोलिसांनी 18 मे रोजी बिभव कुमारला अटक केली होती. बिभव कुमार सध्या पोलिस कोठडीत आहे.
