Rajya Sabha Election : लोकसभा निवडणुकीनंतर आता राज्यसभेच्या 12 जागांसाठी निवडणूक आयोगाकडून निवडणूक कार्यक्रम जाहीर करण्यात आला आहे. तब्बल १२ जागांसाठी हा निवडणूक कार्यक्रम जाहीर करण्यात आला आहे. यातील दोन जागा या महारष्ट्रातील आहेत. निवडणूक आयोगाने अर्ज भरण्याची तारीख आणि अर्ज माघारी घेण्याची तारीख देखील जाहीर केली आहे.
लोकसभा निवडणुकीत काही उमेदवार हे लोकसभेत निवडून गेले आहेत. त्यामुळे त्यांच्या रिक्त जागेसाठी हा निवडणूक कार्यक्रम जाहीर करण्यात आला आहे. यात महाराष्ट्रातील दोन रिक्त जागांचा देखील समावेश आहे. सातारा येथील छत्रपती उदयनराजे भोसले आणि पियुष गोयल हे दोघंही लोकसभेवर निवडून गेल्यानं राज्यात राज्यसभेच्या दोन जागा रिक्त झाल्या आहेत या जागांवर देखील निवडणूक घेतली जाणार आहे.
https://x.com/ANI/status/1821111674595938502/photo/1
असा आहे निवडणूक कार्यक्रम
यासाठी उमेदवारी अर्ज भरण्याची तारीख १४ ते २१ ऑगस्टपर्यंत आहे. तर उमेदवारी अर्ज मागे घेण्याची अंतिम तारीख २६ आणि २७ ऑगस्ट आहे. या सर्व जागांवर ३ सप्टेंबर रोजी मतदान होणार असून ३ सप्टेंबर रोजी सायंकाळी ५ वाजता निकाल जाहीर होणार आहे.
