जागतिक बाजारातून संमिश्र संकेत, बीएसई सेन्सेक्सची घसरणीसह सुरुवात तर निफ्टीमध्ये किंचित तेजी

जागतिक बाजारातून आज संमिश्र संकेत मिळत आहेत. मागील सत्रात दबावाखाली व्यवहार केल्यानंतर अमेरिकी बाजार संमिश्र परिणामांसह बंद झाले. तथापि, डाऊ जॉन्स फ्युचर्स आज किंचित वाढीसह व्यवहार करताना दिसत आहे. युरोपीय बाजारातही शेवटच्या सत्रात संमिश्र व्यवहार पाहायला मिळाला होता. आशियाई बाजारातही आज संमिश्र व्यवहार दिसत आहे.आज भारतीय शेअर बाजारात, आठवड्याच्या दुसऱ्या व्यवहाराच्या दिवशी शेअर बाजाराची सुरुवात कमजोर झाली असून दोन्ही प्रमुख निर्देशांक घसरणीसह ओपन झाले. बाजार उघडल्यानंतर अपोलो हॉस्पिटल्स, आयसीआयसीआय बँक, ॲक्सिस बँक, कोटक महिंद्रा बँक आणि जेएसडब्ल्यू स्टील निफ्टीवर वाढीसह व्यवहार करताना दिसून आले.

बीएसई सेन्सेक्स ९६.४१ अंकांनी घसरून ७९,५५२.५१ वर उघडला. त्याचवेळी NSE निफ्टी १४.०५ अंकांच्या कमजोरीसह २४,३३२.९५ अंकांवर व्यवहार करत असलेला दिसून आला. बाजाराच्या सुरुवातीच्या सत्रात सेन्सेक्समध्ये सूचिबद्ध ॲक्सिस बँक, ICICI बँक, एनटीपीसी, कोटक महिंद्रा, टीसीएस इत्यादींच्या शेअर्समध्ये तेजी नोंदवली गेली तर पॉवर ग्रिड, एशियन पेंट्स, टाटा मोटर्स आणि एचडीएफसी बँक सुरुवातीच्या व्यापारात घसरणीसह व्यवहार करताना दिसून आले.

जागतिक बाजारात चलनवाढीचे हे आकडे येण्यापूर्वी अमेरिकन बाजारातील गुंतवणूकदार अत्यंत सावधपणे व्यवहार करत आहेत. या कारणास्तव, शेवटच्या सत्रादरम्यान, वॉल स्ट्रीट निर्देशांक संमिश्र परिणामांसह बंद झाले. डाऊ जॉन्स 140 अंकांच्या घसरणीसह बंद झाला. दुसरीकडे, S&P 500 निर्देशांक 0.23 अंकांच्या किंवा 0.002 टक्क्यांच्या नाममात्र वाढीसह 5,344.39 अंकांच्या पातळीवर गेल्या सत्राचा व्यवहार संपला. याशिवाय नॅस्डॅक 0.21 टक्क्यांच्या वाढीसह 16,780.61 अंकांच्या पातळीवर बंद झाला.

युरोपीय बाजारातही शेवटच्या सत्रात संमिश्र व्यवहार होता. एफटीएसई निर्देशांक 0.51 टक्क्यांच्या वाढीसह 8,210.25 अंकांवर बंद झाला. त्याचप्रमाणे, DAX निर्देशांक 0.02 टक्क्यांच्या किंचित वाढीसह 17,726.47 अंकांच्या पातळीवर शेवटच्या सत्राचा व्यवहार संपला. दुसरीकडे, सीएसी निर्देशांक 0.26 टक्क्यांच्या घसरणीसह 7,250.67 अंकांवर बंद झाला.

.दुसरीकडे, GIFT निफ्टी 0.13 टक्क्यांच्या उसळीसह 24,374.50 अंकांवर व्यवहार करत आहे. त्याचप्रमाणे हँगसेंग निर्देशांकही 0.10 टक्क्यांच्या वाढीसह 17,128.78 अंकांच्या पातळीवर पोहोचला आहे. निक्की निर्देशांकाने आज मोठी झेप घेतली आहे. सध्या हा निर्देशांक 888.23 अंक किंवा 2.54 टक्क्यांच्या मजबूतीसह 35,913.23 अंकांच्या पातळीवर व्यवहार करत आहे. त्याचप्रमाणे स्ट्रेट्स टाइम्स निर्देशांक 0.85 टक्क्यांच्या वाढीसह 3,262.92 अंकांच्या पातळीवर व्यवहार करत आहे. याशिवाय जकार्ता संमिश्र निर्देशांक 0.68 टक्क्यांनी वाढून 7,347.47 अंकांच्या पातळीवर पोहोचला आहे.