सध्या सिनेसृष्टीत चर्चा आहे ती म्हणजे अभिनेत्री श्रद्धा कपूर आणि अभिनेता राजकुमार राव यांच्या स्त्री-2 या चित्रपटाची. या चित्रपटाने प्रेक्षकांच्या मनावर जणू राज्यच केल्याचे दिसत आहे अभिनेत्री श्रद्धा कपूर ही तिच्या हटक्या अंदाजामुळे लोकप्रिय आहे. अभिनेता राजकुमार राव याच्याही अनेक चित्रपटांना लोकांकडून भरभरून प्रतिसाद मिळत असतो. या दोघांनीही स्त्री या चित्रपटात एकत्रित काम केलं असून हा चित्रपट बॉक्स ऑफिसवर चांगलीच कमाई करताना दिसत आहे.
स्त्री 2 हा हॉरर-कॉमेडी चित्रपट आहे. या चित्रपटाने बॉक्स ऑफिसवर 300 कोटींचा टप्पा पार केलेला आहे. या चित्रपटाला देशभरातून भरभरून प्रतिसाद मिळताना दिसत आहे. प्रेक्षकांनी दिलेल्या प्रेमामुळेच या चित्रपटाला एवढे मोठे यश प्राप्त झाले आहे. बुधवारी या चित्रपटाचा प्रिव्ह्यू करण्यात आला होता. या चित्रपटाने प्रिव्ह्यूमधूनच 9.40 कोटींची कमाई केली आहे.
अनुक्रमाने या चित्रपटाने गुरुवारी 55.40 कोटी रुपये शुक्रवारी 35.30 कोटी रुपये शनिवारी 45.70 कोटी रुपये रविवारी 58.20 कोटी रुपये सोमवारी 38.40 कोटी रुपये मंगळवारी 26.80 कोटी रुपये आणि बुधवारी 20.40 कोटी रुपयांची कमाई केली असून सध्या या चित्रपटाने 300 कोटींचा टप्पा पार केला आहे.
दरम्यान स्त्री-2 ची एकूण कमाई 307.80 कोटींवर पोहोचली असून हा आकडा सतत वाढत चालला आहे.
