करीना कपूरचा आगामी चित्रपट ‘द बकिंगहॅम मर्डर्स’चा ट्रेलर निर्मात्यांनी रिलीज केला आहे. द बकिंगहॅम मर्डर्स’ 13 सप्टेंबर 2024 रोजी थिएटरमध्ये प्रदर्शित होणार आहे. हंसल मेहता हे या चित्रपटाचे दिग्दर्शक आहेत. या चित्रपटात करीना आता प्रेक्षकांना वेगळ्याच भूमिकेत पाहायला मिळणार आहे. यामुळेच चित्रपट कधी रिलीज होणार याचीच उत्सुकता सर्वांना लागलेली आहे.
‘द बकिंगहॅम मर्डर्स’ हा एक क्राईम थ्रीलर चित्रपट असून यामध्ये १० वर्षाच्या मुलीची हत्या झाल्याचा प्रसंग दाखवण्यात आला आहे. या मुलीची हत्या कोणी केली यावरच हा चित्रपट असून यामध्ये करीना कपूर हि जसमीन भामरा नावाच्या डिटेक्टिवची भूमिका साकरताना दिसून येत आहे. या चित्रपटात करीना कपूरने निर्मितीची जबाबदारी देखील पार पाडली आहे.
अनेक चित्रपट महोत्सवांमध्ये ‘द बकिंगहॅम मर्डर्स या चित्रपटाचे प्रीमियर झाले आहेत. हा चित्रपट प्रेक्षकांना नेटफ्लिक्सवर पाहता येईल मात्र तो ओटीटीवर कधी रिलीज होणार याबाबत मात्र अद्याप कोणतीही माहिती समोर आलेली नाही. 2023 मध्ये जिओ मामी चित्रपट महोत्सवात ‘द बकिंगहॅम मर्डर्स’ या चित्रपटाचे स्क्रिनिंग झाले होते. चित्रपटात करीना ब्रिटिश भारतीय गुप्तहेराची भूमिका साकारत आहे. बकिंगहॅमशायर मधील एका लहान मुलाच्या खुन्याला शोधण्याच्या मोहिमेवर करीना कपूर असल्याचे चित्रपटात दाखवले आहे.
अभिनेता आणि शेफ रणवीर ब्रार आणि कीथ ॲलन यांनी देखील या चित्रपटात भूमिका पार पाडल्या आहेत. त्यांच्या देखील या चित्रपटात महत्वाच्या भूमिका असल्याचे दिसून येत आहे. दरम्यान, एकता कपूर, शोभा कपूर आणि करीना कपूर ‘द बकिंगहॅम मर्डर्स या चित्रपटाच्या निर्मात्या आहेत.
