Prasad Oak : मराठी सिनेसृष्टीतील लोकप्रिय नाव म्हणजे प्रसाद ओक. प्रसाद ओक हे मराठी सिनेसृष्टीतील अभिनेते, दिग्दर्शक तसेच रियालिटी शो मध्ये ते जज म्हणूनही पाहायला मिळतात. संपल्यास अतुलनीय कामामुळे त्यांनी प्रेक्षकांच्या मनावर राज्य केले आहे. अशातच आता प्रसाद ओक यांची सोशल मिडियावर केलेल्या पोस्टमुळे सर्वत्र चर्चा होत आहे. प्रसाद ओक यांना त्यांच्या मुलाने गाडी गिफ्ट केली असून त्यांनी याविषयीची भावुक पोस्ट आपल्या सोशल मिडियावर पोस्ट केली आहे.
प्रसाद ओक यांनी सोशल मिडियावर एक विडियो शेअर केला आहे. सार्थक मुलगा असूनही बाप झालास..! तुझा अतिशय अभिमान आहे.. तुझ्या सर्व इच्छा पूर्ण होवोत. देव सदैव तुझ्या पाठीशी राहो…. वाढदिवसाच्या कोटी कोटी शुभेच्छा आणि खूप खूप प्रेम अशी पोस्ट त्यांनी सोशल मिडियावर शेअर केली आहे. प्रसाद ओक आणि मंजिरी ओक यांना सार्थक आणि मयांक अशी दोन मुले आहेत. सार्थक हा त्यांचा मोठा मुलगा आहे. सार्थकच्या वाढदिवसानिमित्त त्याने आपल्या वडिलांना म्हणजेच प्रसाद ओक यांना BMW कार भेट दिलेली आहे.
यावरूनच प्रसाद ओक भावुक झाले आहेत . यानंतर त्यांनी आपल्या मुलाचा अतिशय अभिमान वाटतो अस म्हणत एक विडिओ सोशल मिडियावर पोस्ट केला आहे. अभिनेत्री अमृता खानविलकर, अभिनेता स्वप्नील जोशी आणि अभिनेता गौरव मोरे यांनी प्रसाद ओक यांच्या पोस्टवर कमेंट करून प्रसाद ओक आणि मुलगा सार्थक या दोघांच देखील अभिनंदन केले आहे.
प्रसाद ओक यांचा मुलगा सार्थक याने जर्मनीतून पदवी शिक्षण पूर्ण केले आहे. दरम्यान, प्रसाद ओक यांचा धर्मवीर 2 हा चित्रपत लवकरच प्रेक्षकांच्या भेटीला येणार आहे, ज्याची प्रेक्षक आतुरतेने वाट पाहत आहेत.
