पॅरिस पॅरालिम्पिकमध्ये भारताने रचला इतिहास, पहा, पदक विजेत्यांची संपूर्ण यादी एका क्लिकवर…

Paralympic 2024 : पॅरिस पॅरालिम्पिक 2024 भारतीय मोहीम 29 पदकांसह संपली. पॅरिस पॅरालिम्पिक 2024 भारतासाठी उत्कृष्ट ठरले. या स्पर्धेत भारताने सर्वाधिक पदके जिंकण्याचा विक्रम केला. यात भारताने एकूण 29 पदके जिंकली, ज्यात 7 सुवर्ण, 9 रौप्य आणि 13 कांस्य पदकांचा समावेश आहे. याआधी टोकियो पॅरालिम्पिकमध्ये भारताने सर्वाधिक १९ पदके जिंकण्याचा विक्रम केला होता, तो पॅरिसमधील पॅरा भारतीय खेळाडूंनी मोठ्या अभिमानाने मोडला.

पॅरालिम्पिकच्या मागील दोन आवृत्त्यांमध्ये भारताने एकूण 48 पदके जिंकली आहेत. तर याच्या आधी11 आवृत्त्यांमध्ये भारताने केवळ 12 पदके जिंकली होती. गेल्या दोन आवृत्त्यांमधून भारतीय खेळाडूंमध्ये सुधारणा आणि बदल स्पष्टपणे दिसून आला.

पॅरिसपूर्वी, 54 भारतीय खेळाडूंनी टोकियो पॅरालिम्पिकमध्ये भाग घेतला होता, जो त्यावेळी सर्वात मोठा संघ होता. त्यानंतर पॅरिस पॅरालिम्पिकमध्ये देखील भारतीय तुकडी मोठी झाली. पॅरिसमध्ये एकूण 84 पॅरा भारतीय खेळाडूंनी भाग घेतला आणि एकाच आवृत्तीत सर्वाधिक पदके जिंकण्याचा विक्रम करून इतिहास रचला.

टोकियो पॅरालिम्पिकपूर्वी भारताने केवळ 4 सुवर्णपदके जिंकली होती. आता फक्त पॅरिस पॅरालिम्पिकमध्ये भारताने 7 सुवर्ण जिंकले आहेत आणि याआधी टोकियोमध्ये भारताच्या खात्यात 5 सुवर्ण जिंकले होते.

पॅरिस पॅरालिम्पिकमधील सर्व 29 भारतीय खेळाडू

अवनी लेखरा : शूटिंग : महिलांची 10 मीटर एअर रायफल स्टँडिंग SH1 : गोल्ड मेडल

मोना अग्रवाल : शूटिंग : महिलांची 10 मीटर एअर रायफल स्टँडिंग SH1 : कांस्यपदक

प्रीती पाल : ऍथलेटिक्स : महिलांची 100 मी T35 : कांस्यपदक

मनीष नरवाल : शूटिंग : पुरुषांची 10 मीटर एअर पिस्तूल SH1 : सिल्वर मेडल

रुबिना फ्रान्सिस : शूटिंग : महिला 10 मीटर एअर पिस्तूल SH1 : कांस्यपदक

प्रीती पाल : ऍथलेटिक्स : महिला 200मी T35 : कांस्यपदक

निषाद कुमार : ऍथलेटिक्स : पुरुषांची उंच उडी T47 : सिल्वर मेडल

योगेश कथुनिया : ऍथलेटिक्स : पुरुषांची डिस्कस थ्रो F56 : सिल्वर मेडल

नितेश कुमार : बॅडमिंटन : पुरुष एकेरी SL3 : गोल्ड मेडल

तुलसीमथी मुरुगेसन : बॅडमिंटन : महिला एकेरी SU5 : सिल्वर मेडल

मनीषा रामदास : बॅडमिंटन : महिला एकेरी SU5 : कांस्यपदक