Mumbai Metro : मुंबईतील (Mumbai Metro) गणेशोत्सवादरम्यान (Ganesh Utsav 2024) भाविकांची होणारी प्रचंड गर्दी लक्षात घेता, सार्वजनिक वाहतूक सुरळीतपणे चालवण्यासाठी सरकार आणि प्रशासनाने प्रयत्न सुरू केले आहेत.
गणपतीच्या दर्शनासाठी महाराष्ट्राच्या विविध भागातून येणाऱ्या भाविकांच्या सोयीसाठी मुंबई उपनगर जिल्ह्याचे पालकमंत्री मंगल प्रभात लोढा यांनी महामुंबई मेट्रो ऑपरेशन कॉर्पोरेशन लिमिटेड आणि एमएमआरडीएला विनंती केली आहे की, भाविकांच्या सोयीसाठी मेट्रो सेवांची संख्या वाढवावी.
या उपक्रमांतर्गत 11 सप्टेंबर ते 17 सप्टेंबर 2024 या कालावधीत अंधेरी (पश्चिम) आणि गुंदवली टर्मिनलवरून शेवटची मेट्रो ट्रेन आता रात्री 11 ऐवजी रात्री 11.30 वाजता धावणार आहे. याशिवाय, रात्रीच्या वेळी अतिरिक्त रेल्वे सेवा देखील उपलब्ध असतील जेणेकरून गणेशोत्सवाच्या काळात रात्री उशिरापर्यंत मंदिरे आणि मंडळांमधून परतणाऱ्या लोकांना कोणत्याही अडचणीशिवाय त्यांच्या गंतव्यस्थानी पोहोचता येईल.
यावेळी मंत्री लोढा म्हणाले, “महाराष्ट्रातील लोकांसाठी गणेश उत्सवाला विशेष महत्त्व आहे. मुंबईतील लोक मोठ्या उत्साहाने या उत्सवाचा आनंद घेतात. भाविकांची सोय लक्षात घेऊन आम्ही मेट्रो सेवेत हा बदल केला आहे. हा यामागचा उद्देश आहे. गर्दीमुळे लोकांना दर्शनास त्रास होऊ नये आणि गणेश उत्सवाचा आनंद लुटता यावा यासाठी आम्ही प्रयत्न करत आहोत.” असे म्हंटले आहे.
मेट्रो सेवांबद्दल सविस्तर माहिती
1- अंधेरी (पश्चिम) आणि गुंदवली टर्मिनल येथून शेवटची मेट्रो आता रात्री 11.30 वाजता धावेल.
2- अतिरिक्त गाड्या गुंदवली आणि अंधेरी (पश्चिम) येथून दहिसर (पूर्व) कडे सकाळी 11.15 आणि 11.30 वाजता सुटतील.
3- दहिसर (पूर्व) पासून अंधेरी (पश्चिम) आणि गुंदवलीकडे अतिरिक्त सेवा देखील उपलब्ध असतील.
या कालावधीत, प्रमुख स्थानकांवर एकूण 20 अतिरिक्त मेट्रो गाड्या चालवल्या जातील, ज्या अंधेरी, गुंदवली आणि दहिसर (पूर्व) दरम्यान वेगवेगळ्या वेळी सेवा देतील. यामुळे भाविकांना वाहतुकीची कोणतीही समस्या न येता गणेशोत्सवाचा आनंद लुटता येणार आहे.
प्रमुख स्थानकांवर एकूण 20 अतिरिक्त गाड्या धावणार
1. गुंदवली ते अंधेरी (पश्चिम): रात्री 10:20, रात्री 10:39, रात्री 10:50 आणि रात्री 11 (4 सेवा)
2. अंधेरी (पश्चिम) ते गुंदवली: रात्री 10:20, रात्री 10:40, रात्री 10:50 आणि रात्री 11 (4 सेवा)
3. गुंदवली ते दहिसर (पूर्व): रात्री 11:15 आणि रात्री 11:30 (2 सेवा)
4. अंधेरी पश्चिम ते दहिसर (पूर्व): रात्री 11:15 आणि रात्री 11:30 (2 सेवा)
5. दहिसर (पूर्व) ते अंधेरी पश्चिम: रात्री 10:53, 11:12, 11:22 आणि 11:33 (4 सेवा)
6. दहिसर (पूर्व) ते गुंदवली: रात्री 10:57, 11:17 PM, 11:27 PM आणि 11:36 PM (4 सेवा)
