BJP On Arvind Kejriwal : दिल्लीचे मुख्यमंत्री अरविंद केजरीवाल सर्वोच्च न्यायालयाकडून जामीन मिळाल्यानंतर तुरुंगातून बाहेर येताच देशातील राजकारण तापले आहे. पक्षाच्या मुख्यालयात कार्यकर्त्यांना संबोधित करताना मुख्यमंत्री केजरीवाल यांनी मुख्यमंत्रीपद सोडण्याबाबत चर्चा केली. यावर भाजपने जोरदार हल्लाबोल चढवला. अरविंद केजरीवाल यांना त्यांची पत्नी सुनीता केजरीवाल यांना मुख्यमंत्री बनवायचे आहे, असा आरोप भाजप नेते शेहजाद पूनावाला यांनी केला आहे.
भाजप नेते शेहजाद पूनावाला म्हणाले, “अरविंद केजरीवाल यांनी राजीनामा देण्यासाठी दोन दिवसांचा अवधी मागितला आहे कारण त्यांना त्यांच्या आमदारांना सुनीता केजरीवाल यांना पुढील मुख्यमंत्री म्हणून स्वीकारण्यास भाग पाडायचे आहे. भाजप नेत्याने X वर पोस्टमध्ये लिहिले, लालू-राबडी मॉडेल, सोनिया-मनमोहन मॉडेलप्रमाणे, संपूर्ण सत्ता हवी, पण जबाबदारी नाही. पुढे त्यांनी लिहिले, “माझ्या ट्विट आणि वक्तव्यानंतर आम आदमी पार्टी मागे हटण्याची शक्यता आहे.”
भाजप नेते म्हणाले, “अरविंद केजरीवाल यांनी आपत्तीमध्ये संधी शोधण्यात पीएचडी केली आहे. ते राजीनामा देण्याचे नाटक करत आहेत कारण न्यायालयाने त्यांना अबकारी धोरण घोटाळा प्रकरणात निर्दोष मुक्त केले नाही, परंतु त्यांना सशर्त जामीन दिला, अशास्थितीत तर फक्त मंत्री नावाने राहतील.
My sources tell me @ArvindKejriwal has sought two days to resign as he wants to force his MLAs to accept Smt Sunita Kejriwal as next CM (( Lalu Rabri Model / Sonia Manmohan Model – no accountability full power ))
After my tweet & statement it is possible AAP May backtrack.. pic.twitter.com/qisvqTPADY
— Shehzad Jai Hind (Modi Ka Parivar) (@Shehzad_Ind) September 15, 2024
अरविंद केजरीवाल काय म्हणाले?
पक्ष कार्यकर्त्यांना संबोधित करताना अरविंद केजरीवाल म्हणाले की, जेव्हा लोक मला प्रामाणिकपणाचे प्रमाणपत्र देतील तेव्हाच मी मुख्यमंत्र्यांच्या खुर्चीवर बसेन. तुरुंगातून बाहेर आल्यानंतर मला अग्निपरीक्षा द्यायची आहे. भाजप भ्रष्ट असल्याचे सिद्ध करण्याचा प्रयत्न करत असल्याचा आरोप करून केजरीवाल म्हणाले की, भगवा पक्ष भ्रष्ट असल्यामुळे लोकांना चांगल्या शाळा आणि मोफत वीज देऊ शकत नाही.
केजरीवाल म्हणाले की, “येत्या काही दिवसांत आम आदमी पक्षाच्या (आप) आमदारांची बैठक होणार असून पक्षाच्या एका नेत्याची मुख्यमंत्रीपदी निवड केली जाईल. दिल्लीत फेब्रुवारीत निवडणुका होणार आहेत, मात्र महाराष्ट्रासह दिल्लीत नोव्हेंबरमध्ये निवडणुका घेण्याची माझी मागणी आहे, असे ते म्हणाले.
