Nanded Lok Sabha by Election 2024 : नांदेड लोकसभा पोट निवडणुकीसाठी (Nanded Lok Sabha Bypolls) काँग्रेसने रविंद्र चव्हाण यांना अधिकृत उमेदवारी जाहीर केली आहे. रविंद्र चव्हाण (Ravindra Chavan) हे दिवंगत खासदार वसंतराव चव्हाण (Vasantrao Chavan) यांचे पुत्र आहेत. काँग्रेस नेते वसंतराव बळवंतराव चव्हाण यांच्या निधनाने नांदेडची जागा रिक्त झाली आहे. 26 ऑगस्ट रोजी वसंतराव यांचे दीर्घ आजाराने निधन झाले होते.
नांदेड लोकसभा जागेसाठी 20 नोव्हेंबर रोजी पोट निवडणूक होणार आहे. तर 23 नोव्हेंबरला निवडणुकीचा निकाल जाहीर होणार आहे. भारतीय निवडणूक आयोगाने ही माहिती दिली आहे. महाराष्ट्र विधानसभा निवडणुकीसोबतच पोटनिवडणूक होणार आहे. 20 नोव्हेंबरला विधानसभेच्या 288 जागांवर एकाच टप्यात मतदान होणार आहे.
Congress nominates Ravindra Vasantrao Chavan as its candidate for Maharashtra's Nanded Lok Sabha bye-elections and Jingjang M. Marak for Meghalaya's Gambegre assembly constituency bye-elections. pic.twitter.com/sM3pOODgf0
— ANI (@ANI) October 17, 2024
२०२४ च्या सार्वत्रिक लोकसभा निवडणुकीत वसंतराव चव्हाण नांदेड लोकसभेतून निवडून आले होते. मात्र, काही दिवसांनी त्यांच्या निधनाने ही जागा रिक्त झाली होती. वसंतराव चव्हाण यांच्या ठिकाणी त्यांचे पुत्र रविंद्र चव्हाण यांना उमेदवारी देण्यात येईल, अशी चर्चा बऱ्याच दिवसांपासून सुरु होती. त्यानंतर काँग्रेसच्या छाननी समितीनेही एकच नाव एकमताने ठरवले होते. याबाबत आज काँग्रेस पक्षानेअधिकृत घोषणा केली आहे.
