Maharashtra Assembly elections 2024 : ज्यामध्ये विधानसभा निवडणुकीचे (Maharashtra Assembly elections 2024) बिगुल आता वाजले असून, महायुती आणि महाविकास आघाडीकडून उमेदवारांची यादी जाहीर करण्यात येत आहे. दरम्यान, महायुतीमधील भाजपने आपली पहिली उमेदवारी यादी जाहीर केली आहे.
तर आज अजित पवार गटाची तसेच शिंदे गटाची पहिली उमेदवार यादी जाहीर होणार असल्याचे बोलले जात आहे. तर महाविकास आघाडीची देखील उमेदवार यादी आज जाहीर होणार आहे. याचदरम्यान, आता राज्यात महायुती आणि महाविकास आघाडीचे टेन्शन वाढले आहे. कारण राज्यात तिसऱ्या आघाडीने नुकतीच आपली उमेदवारांची पहिली यादी जाहीर केली आहे.
राज्यातील तिसरी आघाडी परिवर्तन महाशक्तीने १० उमेदवारांची पहिली यादी जाहीर केली आहे. आज पुण्यामध्ये पत्रकार परिषद घेत ही उमेदवारी यादी जाहीर करण्यात आली आहे. संभाजी राजे, बच्चू कडू आणि राजू शेट्टी यांच्या विशेष उपस्थित उमेदरांची ही यादी जाहीर करण्यात आली आहे.
कोणाला मिळाली संधी?
-अचलपूर – बच्चू कडू – प्रहार जनशक्ती पक्ष
-रावेर यावल – अनिल चौधरी – प्रहार जनशक्ती पक्ष
-गणेश निंबाळकर – चांदवड – प्रहार जनशक्ती पक्ष
-सुभाष साबणे – देगलूर – प्रहार जनशक्ती पक्ष
-अंकुश कदम – एरोली – महाराष्ट्र स्वराज्य पक्ष
-माधव देवसरकर – हदगाव हिमायतनगर – महाराष्ट्र स्वराज्य पक्ष
-गोविंदराव भवर – हिंगोली – महाराष्ट्र राज्य समिती
-वामनराव चटप – राजुरा – स्वतंत्र भारत पक्ष
-शिरोळ – स्वाभिमानी शेतकरी संघटना
-मिरज – स्वाभिमानी शेतकरी संघटना
राज्यात 288 जागांसाठी एकाच टप्प्यात मतदान होणार असून, 20 नोव्हेंबरला महाराष्ट्रात विधानसभा निवडणुकीसाठी मतदान पार पडणार आहे. तर, 23 नोव्हेंबरला निकाल जाहीर होणार आहेत.
