Maharashtra Assembly Elections : राज्यामध्ये विधानसभा निवडणुकीचे (Maharashtra Assembly Elections 2024) बिगुल आता वाजले असून, राजकारण चांगलेच रंगले आहे. येत्या 20 नोव्हेंबर रोजी विधानसभा निवडणुकीसाठी मतदान होणार असून, पक्षांकडून उमेदवार जाहीर केले जात आहेत. तर दुसरीकडे उमेदवार देखील अर्ज दाखल करत आहेत.
तसेच सर्वच पक्षांकडून प्रचाराची जोरदार तयारी सुरु झाली आहे. याचदरम्यान, भाजपाकडून स्टार प्रचारकांची यादी जाहीर करण्यात आली आहे. राज्यात प्रचार करण्यासाठी भाजपकडून 40 स्टार प्रचारकांचा समावेश करण्यात आला आहे. त्यामध्ये पंतप्रधान नरेंद्र मोदी, भाजप अध्यक्ष जे पी नड्डा, मंत्री राजनाथ सिंह यांच्यासह अनेक दिग्गजांना स्थान देण्यात आले आहे.
विधानसभा निवडणुकीसाठी जारी करण्यात आलेल्या स्टार प्रचारकांच्या यादीमध्ये राज्यातील दिग्गज नेत्यांचाही समावेश आहे. त्यामध्ये नितीन गडकरी, देवेंद्र फडणवीस, विनोद तावडे, अशोक चव्हाण, आशिष शेलार, पंकजा मुंडे, मुरलीधर मोहोळ यासह अनेक नेत्यांचा समावेश आहे.
केंद्रातील स्टार प्रचाराकांची नावे
नरेंद्र मोदी, जे.पी. नड्डा, राजनाथ सिंह, अमित शाह, नितीन गडकरी, योगी आदित्यनाथ, डॉ. प्रमोद सावंत, भुपेंद्र पटेल, विष्णू देव साई, डॉ. मोहन यादव, भजनलाल शर्मा, नायब सिंग साईनी, हिमंता बिस्वा सर्मा, शिवराज सिंह चौहान, ज्योतिरादित्य सिंधिया, स्मृती इराणी, शिव प्रकाश, भूपेंद्र यादव, अश्विनी वैष्णव
पियुष गोयल.
महाराष्ट्रातील स्टार प्रचारक
देवेंद्र फडणवीस, विनोद तावडे, चंद्रशेखर बावनकुळे, रावसाहेब दानवे, अशोक चव्हाण, उदयनराजे भोसले, नारायण राणे, पंकजा मुंडे, चंद्रकांत दादा पाटील, आशिष शेलार, सुधीर मुनगंटीवार, राधाकृष्ण विखे पाटील, गिरीश महाजन, रविंद्र चव्हाण, प्रवीण दरेकर, अमर साबळे, मुरलीधर मोहळ, अशोक नेते, डॉ. संजय कुटे, नवनीत राणा.
