India-Russia : रशियाचे (Russia) राष्ट्राध्यक्ष व्लादिमीर पुतिन यांनी पुन्हा एकदा भारताचे (India) कौतुक केले आहे. भारत आणि रशियामधील सहकार्य सातत्याने वाढत असल्याचे पुतिन यांनी म्हटले आहे. पुतिन यांनी नुकतेच भारत देशाचे कौतुक करत भारत हा एक महान देश असल्याचे म्हंटले आहे. तसेच भारताची आर्थिक प्रगती आणि त्याची विशालता लक्षात घेऊन जागतिक महासत्तांच्या यादीत भारत देशाचाही समावेश केला पाहिजे असे सांगितले आहे. व्लादिमीर पुतिन यांनी (Vladimir Putin) रशियातील सोची शहरातील वालदाई डिस्कशन क्लब या कार्यक्रमात संबोधित करताना भारतचे कौतुक केले आहे.
‘भारत-रशिया संबंध सतत विकसित होत आहेत’
पुतीन यांनी आपल्या भाषणात पुढे म्हणाले आहे की, ‘आम्ही भारतासोबत विविध क्षेत्रात आमचे संबंध विकसित करत आहोत. भारत एक महान देश आहे. आर्थिक वाढीच्या बाबतीतही ते अर्थव्यवस्थांमध्ये प्रमुख आहेत. त्यांचा जीडीपी ७.४ टक्के दराने वाढत आहे. रशिया आणि भारत यांच्यातील सहकार्य दरवर्षी वाढत आहे. पुतिन यांनी सोव्हिएत युनियनच्या काळापासून रशियाच्या भारतासोबतच्या संबंधांबद्दल सांगितले आणि दोन्ही देशांमधील संबंध अतिशय खास असल्याचे त्यांनी यावेळी सांगितले आहे. पुतिन म्हणाले की, ‘भारताच्या स्वातंत्र्यात सोव्हिएत युनियनचीही भूमिका होती.’
https://twitter.com/ani_digital/status/1854768234127364540
पुतिन पुढे म्हणाले की, ‘जागतिक महासत्तांच्या यादीत भारताचा समावेश झाला पाहिजे. हा दीड अब्ज लोकसंख्येचा देश आहे आणि जगातील सर्वात वेगाने वाढणाऱ्या अर्थव्यवस्थांपैकी एक आहे. भारताची संस्कृती खूप प्राचीन आहे आणि भविष्यात विकासाची अफाट क्षमता आहे.’ असे पुतीन यांनी म्हंटले आहे.
