भारत-पाकिस्तान सागरी सीमेजवळ पाकिस्तान सागरी सुरक्षा एजन्सीच्या जहाजाने पकडलेल्या सात भारतीय मच्छिमारांची भारतीय तटरक्षक दलाने सुटका केली. मच्छिमारांना सुखरूप बाहेर काढण्यात आले, मात्र त्यांची ‘काल भैरव’ नावाची मासेमारी बोट खराब होऊन बुडाली. या घटनेला कारणीभूत असलेल्या परिस्थितीचा शोध घेण्यासाठी संयुक्त तपास सुरू आहे.
भारतीय तटरक्षक दल (ICG) जहाजाने भारत-पाकिस्तान सागरी सीमेजवळ पाकिस्तान सागरी सुरक्षा एजन्सी (PMSA) जहाजाने पकडलेल्या सात भारतीय मच्छिमारांची सुटका केली आहे .
या मच्छिमारांना भारत-पाकिस्तान सागरी सीमेजवळ पाकिस्तान सागरी सुरक्षा एजन्सीच्या (PMSA) जहाजाने पकडले होते. PMSA जहाजाने माघार घेण्याचा प्रयत्न केला तरीही, ICG जहाजाने ते अडवले आणि भारतीय मच्छिमारांना सोडण्यासाठी त्यांना यशस्वीरित्या राजी केले.
भारतीय तटरक्षक दलाच्या जहाजाने ‘नुसरत’ या पाकिस्तानी जहाजाला रोखले. मात्र, त्यापूर्वी सुमारे दोन तास पाठलाग केला आणि त्यानंतर भारतीय मच्छिमारांची पाकिस्तानच्या ताब्यातून सुटका केली. जवळपास दोन तास फिल्मी स्टाईलने हा थरार सुरु होता.
पाकिस्तानच्या सागरी सीमारेषेजवळ तैनात असलेल्या भारतीय तटरक्षक जहाज ‘ॲग्रीम’ने सुमारे दोन तासांच्या पाठलागानंतर पाकिस्तान सागरी सुरक्षा एजन्सी जहाज पीएमएस नुसरतचा पाठलाग केला आणि त्यांना स्पष्टपणे सांगितले की कोणत्याही अटीशिवाय ते पाकिस्तानी जहाज भारतीयांना घेऊन जाऊ देणार नाही, असे संरक्षण अधिकाऱ्यांनी सांगितले.
तटरक्षक दलाला सात मच्छिमारांना सुखरूप बाहेर काढण्यात यशस्वी झाले, त्यांची प्रकृती स्थिर असल्याचे आढळून आले. दुर्दैवाने, या घटनेत काल भैरव नावाची भारतीय मासेमारी नौकेचे नुकसान झाले आणि ती बुडाली, असे ICG ने सांगितले.
निवेदनात पुढे म्हटले आहे की, ICG जहाज १८ नोव्हेंबर रोजी ओखा हार्बरला परत आले असून , जिथे ICG, राज्य पोलीस, गुप्तचर एजन्सी आणि मत्स्यपालन अधिकारी यांचा समावेश असलेली संयुक्त तपासणी समिती गठीत करण्यात आली. सदर समिती टक्कर आणि त्यानंतरच्या बचाव कार्य आणि नुकसानीचा तपास करणार आहेत.
