केंद्रीय अर्थ आणि कॉर्पोरेट व्यवहार मंत्री निर्मला सीतारामन यांनी शनिवारी सांगितले की, पंतप्रधान नरेंद्र मोदी म्हणतात की देशातील प्रत्येक गावात लखपती दीदी असावी. त्यासाठी जे काही काम बँकांना करावे लागेल, ते ते करत आहेत. प्रत्येक बचत गटाच्या (SHG) माध्यमातून महिलांना आर्थिक सहाय्य आणि प्रशिक्षण दिले जात आहे.
बिहारमधील मधुबनी येथे क्रेडिट आउटरीच कार्यक्रमादरम्यान जनतेला संबोधित करताना अर्थमंत्री म्हणाल्या की, मी सर्वांना विनंती करते की, भारत सरकारने बँकांच्या माध्यमातून आणलेल्या योजनांचा भाग व्हा आणि त्यांचा लाभ घ्या, जेणेकरून प्रत्येकजण अधिक सक्षम बनू शकेल. याप्रसंगी केंद्रीय अर्थमंत्री निर्मला सीतारामन यांनी विविध बँकांकडून 50,294 लाभार्थ्यांना 1,121 कोटी रुपयांचे कर्ज वाटप केले.
आयुष्मान भारत प्रधान मंत्री जन आरोग्य योजना (AB PM-JAY) कार्ड देखील मधुबनीमध्ये क्रेडिट आउटरीच कार्यक्रमादरम्यान 70 वर्षे आणि त्याहून अधिक वयाच्या काही ज्येष्ठ नागरिकांना प्रदान करण्यात आले. तत्पूर्वी, निर्मला सीतारामन यांनी बिहारचे उपमुख्यमंत्री सम्राट चौधरी यांच्या उपस्थितीत बिहारमधील मधुबनी येथे क्रेडिट आउटरीच कार्यक्रमाचे अध्यक्षपद भूषवले. यावेळी खासदार संजय कुमार झा, रामप्रीत मंडल, अशोक कुमार यादव आणि फैयाज अहमद हे देखील उपस्थित होते.
तत्पूर्वी, केंद्रीय अर्थमंत्री निर्मला सीतारामन यांच्यासह बिहारचे उपमुख्यमंत्री सम्राट चौधरी आणि राज्यसभा सदस्य संजय झा यांनी मधुबनी येथे क्रेडिट आउटरीच कार्यक्रमादरम्यान स्टॉल्सना भेट दिली. यावेळी त्यांनी केंद्र व राज्य शासनाच्या विविध योजनांचा लाभ घेतलेल्या स्टॉलधारकांशी संवाद साधला.
