मणिपूरच्या इंम्फाल पश्चिम जिल्ह्यात प्रतिबंधीत पीआरईपीएके संघटनेच्या 2 दहशतवाद्यांना अटक करण्यात यश आल्याचे पोलिसांनी सोमवारी सांगितले आहे. लीशांगथेम नेपोलियन मेतेई (35) आणि थोकचोम अमुजाओ सिंग (33) अशी त्यांची नावे आहे. त्यांना रविवारी सांगायप्रू मामंग लीकाई येथून पकडण्यात आल्याची माहिती वरिष्ठ अधिकाऱ्यांनी दिली आहे .

तसेच मणिपूरमधील हिंसाचाराच्या वाढत्या घटनांनंतर सुरक्षा दलांनी इम्फाळ पूर्व आणि कांगपोकपी जिल्ह्यात बांधलेले बंकर उद्ध्वस्त केले आहेत. मणिपूर पोलिसांनी सोमवारी ही माहिती दिली आहे.हे बंकर थमनापोकपी आणि सानसाबी गावांच्या सीमेला लागून असलेल्या भागात बांधण्यात आले होते. जिथून डोंगरावर राहणारे बंदूकधारी खालच्या भागातील गावांवर हल्ले करत असल्याचे निदर्शनास आले होते.

सुरक्षा दलांनी चुराचंदपूर आणि तेंगनौपाल जिल्ह्यांमध्ये शोध मोहिमेदरम्यान शस्त्रे आणि दारूगोळा जप्त केला,आहे. चुराचंदपूर जिल्ह्यातील मुअल्लम गावातून शनिवारी एक इन्सास रायफल, एक 9 एमएम पिस्तूल आणि एक सिंगल बॅरल रायफल जप्त करण्यात आली आहे .तर शुक्रवारी तेंगनौपाल जिल्ह्यातील सैवोम गावातून एक 303 रायफल, एक 12 बोअर सिंगल बॅरल गन, सात सुधारित स्फोटक उपकरणे, पाच हातबॉम्ब आणि डिटोनेटर जप्त करण्यात आले. यापूर्वी, मणिपूरमधील सुरक्षा दलांनी इंफाळ पूर्व जिल्ह्यात शोध मोहिमेदरम्यान स्नायपर रायफल, पिस्तूल, ग्रेनेड आणि इतर शस्त्रांसह स्टारलिंक लोगो असलेले उपकरण जप्त केले होते. गेल्या 13 डिसेंबर रोजी इम्फाळ पूर्व येथून ही वसुली करण्यात आली होती. भारतीय लष्कर आणि मणिपूर पोलिसांनी संयुक्त कारवाईत इंफाळ पूर्व जिल्ह्यातील अनेक ठिकाणी 21.5 किलो वजनाचे 5 आयईडी जप्त केले आहेत .

गेले काही दिवस मणिपूरमध्ये जम्मू-काश्मीरप्रमाणे ऑपरेशन ‘क्लीन’ मणिपूरमध्येही सुरक्षा दल ऑपरेशन क्लीन राबवण्यात येत आहे. या कारवाईचा परिणाम असा की, ३० दिवसांत केवळ शस्त्रास्त्रे आणि दारूगोळ्याची मोठी खेपच जप्त करण्यात आली नाही, तर दहशतवादी संघटनांच्या २० हून अधिक कार्यकर्त्यांनाही अटक करण्यात आली आहे.