आज देश विकसित भारताचा संकल्प साध्य करण्यात व्यस्त असून यामध्ये भारतीय रेल्वेचा विकास महत्त्वाचा असल्याचे पंतप्रधान नरेंद्र मोदी म्हणाले आहेत. आता ती वेळ दूर नाही जेव्हा देशात लवकरच बुलेट ट्रेन धावेल असा विश्वास त्यांनी यावेळी व्यक्त केला आहे.
तेलंगणातील चेरलापल्ली येथे नवीन जम्मू रेल्वे विभाग आणि नवीन टर्मिनल स्टेशनचे उद्घाटन आणि पूर्व किनारपट्टी रेल्वेच्या रायगढा रेल्वे विभागाच्या इमारतीची पायाभरणी केल्यानंतर पंतप्रधान नरेंद्र मोदी सोमवारी व्हिडिओ कॉन्फरन्सिंगद्वारे संबोधित करत होते. पंतप्रधान म्हणाले आहेत की, हे दशक भारतीय रेल्वेसाठी ऐतिहासिक बदलांसाठी खूप महत्वाचे आहे.रेल्वेच्या पायाभूत सुविधांमध्ये मोठा बदल झाला आहे. आज देश विकसित भारताचा संकल्प साध्य करण्यात व्यस्त आहे आणि यामध्ये भारतीय रेल्वेचा विकास महत्त्वाचा आहे. ज्यामुळे देशाची प्रतिमा बदलली आहे. आणि देशवासीयांचे मनोबलही वाढले आहे .
पंतप्रधान पुढे म्हणाले की, आम्ही भारतातील रेल्वेचा विकास चार पॅरामीटर्सवर पुढे नेत आहोत. रेल्वेच्या पायाभूत सुविधांचे आधुनिकीकरण, रेल्वे प्रवाशांसाठी आधुनिक सुविधा, देशाच्या कानाकोपऱ्यात रेल्वेची जोडणी आणि रेल्वेतून रोजगार निर्मिती, उद्योगांना पाठिंबा. या सगळ्याचा त्यामध्ये समावेश आहे.
पंतप्रधान मोदी म्हणाले की, गेल्या 10 वर्षांत रेल्वे कनेक्टिव्हिटीचाही प्रचंड विस्तार झाला आहे. 2014 पर्यंत देशातील केवळ 35 टक्के रेल्वे मार्गांचे विद्युतीकरण झाले होते. आज भारत रेल्वे मार्गांचे 100% विद्युतीकरणाच्या जवळ आहे. याशिवाय, आम्ही सातत्याने रेल्वेचा आवाका वाढवला आहे. गेल्या 10 वर्षात 30 हजार कि.मी. 100 हून अधिक नवीन रेल्वे ट्रॅक टाकण्यात आले आहेत. याशिवाय हजारो ओव्हरपास आणि अंडरपासही रस्ते जोडणी वाढवण्यासाठी बांधण्यात आले आहेत. लोकांना कमी वेळात लांब पल्ले पार करायचे आहेत, त्यामुळे देशभरात हाय-स्पीड गाड्यांना मोठी मागणी असल्याचे मोदी आवर्जून म्हणाले आहेत. आज, 136 वंदे भारत ट्रेन देशभरात 50 हून अधिक मार्गांवर धावत आहेत, ज्यामुळे लोकांसाठी प्रवास आरामदायक आणि सोयीस्कर आहे.
ते म्हणाले की, आपला जम्मू-काश्मीर आज रेल्वेच्या पायाभूत सुविधांमध्ये नवे विक्रम करत आहे. उधमपूर-श्रीनगर-बारामुल्ला रेल्वे मार्गाची आज देशभर चर्चा होत आहे. या प्रकल्पामुळे जम्मू-काश्मीरला देशाच्या इतर भागांशी जोडले जाईल. या प्रकल्पांतर्गत चिनाब या जगातील सर्वात उंच रेल्वे कमान पुलाचे काम पूर्ण झाले आहे.
पंतप्रधान मोदींनी नवीन जम्मू रेल्वे विभाग आणि तेलंगणातील चारलापल्ली येथे नवीन टर्मिनल स्टेशनचे उद्घाटन केले आणि व्हिडिओ कॉन्फरन्सिंगद्वारे पूर्व किनारपट्टी रेल्वेच्या रायगडा रेल्वे विभागाच्या इमारतीची पायाभरणी केली. या नव्याने निर्माण झालेल्या जम्मू रेल्वे विभागात ७४२.१ किमी रेल्वे चालवण्यात येत आहेत. ज्यामध्ये पठाणकोट-जम्मू-उधमपूर-श्रीनगर-बारामुल्ला (423 किमी मार्ग), बटाला (वगळता) पठाणकोट (68.17 किमी), भोगपूर-सिरवाल-पठाणकोट (87.21 किमी) आणि पठाणकोट-जोगिंदर नगर (अरुंद मार्ग, 163.72 किमी) यांचा समावेश आहे. .
