बिहारमधील महसूल गुप्तचर संचालनालयाने (डीआरआय) पश्चिम बंगालमधील दोन तस्करांसह बिहारमधील मधुबनी,एका आरोपीला अटक केली असून तिरुपती बालाजीसह दक्षिण भारतातील अनेक मंदिरांतून चोरलेले 1,600 किलो मानवी केस जप्त करण्यात आले आहे. हे केस नेपाळमार्गे चीनला नेले जाणार होते. डीआरआयचे पथक त्याची पुढील चौकशी करत आहे.
बिहार-नेपाळ सीमेवरील मधुबनीमध्ये डीआरआयची ही कारवाई समोर आली आहे. अटक करण्यात आलेल्या तस्करांमध्ये दोघे पश्चिम बंगालच्या मुर्शिदाबाद जिल्ह्यातील आहेत, तर एक बिहारच्या मधुबनी जिल्ह्यातील आहे. गुप्त माहितीच्या आधारे डीआरआयच्या पथकाने ही कारवाई केली आहे. पश्चिम बंगाल क्रमांकाचा एक ट्रक मधुबनी येथून जात होता, तेथे केसांची तस्करी केली जात असल्याची माहिती मिळाली.
डीआरआयच्या मुझफ्फरपूर शाखेत चौकशीदरम्यान, तस्करांनी सांगितले की जप्त केलेले केस दक्षिण भारतातील अनेक तीर्थस्थळांवरून चोरून गोळा केले होते. तिरुपती बालाजी मंदिरात ठेवलेल्या टोन्सरमधून बहुतेक केस गोळा केले गेले. केसांची किंमत अंदाजे 80 लाख रुपये आहे. नेपाळमार्गे चीनला जाणार असल्याने या टोळीतील इतर सदस्यांपर्यंत पोहोचण्यासाठी माहिती गोळा केली जात आहे.
महसूल गुप्तचर संचालनालयाच्या एका अधिकाऱ्याने सांगितले की, भारतात केसांच्या पुरवठ्यावर बंदी आहे. म्हणून काही टोळ्या नेपाळमार्गे चीनमध्ये त्याची तस्करी करतात. त्यातून विग आणि इतर साहित्य तयार केले जाते. चीनमध्ये या वस्तूंना मोठी मागणी आहे आणि त्यांनतर जगभरातील देशांना त्या पुरवल्या जातात. यापूर्वी या प्रकरणात ईडीची कारवाई झाल्यामुळे आणि सीमा सील केल्यामुळे या टोळीतील सदस्यांनी पश्चिम बंगालऐवजी बिहारचा मार्ग वापरण्यास सुरुवात केली होती.
भारताची केसांची निर्यात 6,000-8,000 कोटी रुपयांची आहे, त्यात चीनचा वाटा एकूण निर्यातीपैकी 80 टक्के आहे. आंध्र प्रदेश, तेलंगणा, तामिळनाडू आणि पश्चिम बंगाल यांसारख्या राज्यांतील घरे आणि मंदिरांमधून गोळा केलेल्या केसांसह सुमारे 9,000 कोटी रुपयांच्या कच्च्या मानवी केसांची दरवर्षी भारतातून चीनमध्ये तस्करी केली जाते, असा अंदाज आहे. केसांचा वापर विग, बनावट दाढी, भुवया आणि विस्तार करण्यासाठी केला जातो. हे बेकिंग उद्योगासाठी प्रथिने काढण्यासाठी देखील वापरले जाते.अशीही माहिती समोर आली आहे.
