आज ‘राष्ट्रीय बालिका दिन’ आहे. दरवर्षी 24 जानेवारी रोजी भारतात ‘राष्ट्रीय बालिका दिन’ साजरा केला जातो. हा दिवस साजरा करण्याचा उद्देश समाजातील मुलींचे हक्क, शिक्षण, आरोग्य आणि सुरक्षितता याबद्दल जागरूकता निर्माण करणे आणि त्यांच्या मूलभूत हक्कांवर प्रकाश टाकणे आहे.

या दिवशी देशभरात विविध उपक्रमांचे आयोजन केले आहे. या उपक्रमाचे उद्दिष्ट मुलींवरील सामाजिक भेदभाव दूर करणे आणि त्यांना समाजात समान स्थान देणे तसेच त्यांना सक्षम करणे आहे असे आहे . जेणेकरून त्या प्रत्येक समस्येला धैर्याने तोंड देऊ शकतील.

पंतप्रधान नरेंद्र मोदी यांनी आज राष्ट्रीय बालिका दिनानिमित्त मुलींना सक्षम बनवण्यासाठी आणि त्यांना अधिकाधिक संधी उपलब्ध करून देण्यासाठी सरकारच्या वचनबद्धतेचा पुनरुच्चार करत आपल्या एक्स अकाउंटवर त्याबाबत पोस्ट शेअर केली आहे.

Today, on National Girl Child Day, we reiterate our commitment to keep empowering the girl child and ensure a wide range of opportunities for her. India is proud of the accomplishments of the girl child across all fields. Their feats continue to inspire us all.

— Narendra Modi (@narendramodi) January 24, 2025

आज, राष्ट्रीय बालिका दिनानिमित्त, आम्ही मुलींना सक्षम बनवण्यासाठी आणि त्यांच्यासाठी अधिक संधी सुनिश्चित करण्यासाठी आमच्या वचनबद्धतेचा पुनरुच्चार करतो. सर्व क्षेत्रात मुलींच्या कामगिरीचा भारताला अभिमान आहे. त्याचे यश आपल्या सर्वांना प्रेरणा देत राहते.”

तर दुसऱ्या एका पोस्टमध्ये त्यांनी लिहिले की, “आमच्या सरकारने शिक्षण, तंत्रज्ञान, कौशल्य, आरोग्यसेवा यासारख्या क्षेत्रांवर लक्ष केंद्रित केले आहे, ज्यामुळे मुलींना सक्षम बनविण्यात योगदान मिळाले आहे. मुलींविरुद्ध कोणताही भेदभाव होणार नाही याची खात्री करण्यासाठी आम्ही तितकेच वचनबद्ध आहोत.”