उत्तरप्रदेशातील भगवान आदिनाथांच्या निर्वाण लाडू उत्सवानिमित्त मंगळवारी सकाळी बरौत येथील श्री दिगंबर जैन पदवी महाविद्यालयाच्या परिसरात ६५ फूट उंच स्टेज कोसळल्याने एक मोठा अपघात झाला आहे. या अपघातात 7 लोकांचा मृत्यू झाला असून, ८० हून अधिक लोक जखमी झाले आहेत. या अपघाताची माहिती मिळताच बचाव पथक घटनास्थळी दाखल झाले असून बचाव कार्य सुरु केल आहे. तसेच जखमींना तातडीने रुग्णालयात दाखल करण्यात आले आहे .
भगवान आदिनाथांच्या निर्वाण कार्यक्रमासाठी उभारण्यात आलेला स्टेज अचानक कोसळल्याने ही घटना घडली. स्टेजवर अचानक गर्दी जमल्याने ही दुर्घटना घडली असल्याची माहिती मिळत आहे. या घटनेची माहिती मिळताच अनेक वरिष्ठ अधिकारी तिथ पोहोचले. घटनास्थळी पोहोचलेल्या अधिकाऱ्यांनी अडकलेल्या भाविकांना बाहेर काढले व उपचारासाठी रुग्णालयात दाखल केले.
यावेळी भगवान आदिनाथांच्या निर्वाणासाठी लाडू अर्पण करण्याचा कार्यक्रम चालू होता. त्या काळात स्टेजवर भाविकांची संख्या वाढली. तेव्हाच हा अपघात झाला आल्याचे प्रत्यक्षदर्शींनी सांगितले. दरम्यान, अपघाताचे कारण अद्याप स्पष्ट झालेले नाही. मात्र, या कर्यक्रमाच्या व्यवस्थापनावर अनेक प्रश्न उपस्थित केले जात आहेत.
दरम्यान, राज्याचे मुख्यमंत्री योगी आदित्यनाथ यांनी घटनेची दखल घेतली असून, मुख्यमंत्र्यांनी अधिकाऱ्यांना तातडीने घटनास्थळी पोहोचून मदतकार्याला गती देण्याचे निर्देश दिले. तसेच जखमींवर योग्य उपचार करण्याचे निर्देश देखील मुख्यमंत्र्यांनी दिले आहेत. यासोबतच त्यांनी जखमींच्या लवकर बरे होण्याची प्रार्थनाही केली आहे.
