बनावट कागदपत्रांच्या आधारे नोकरी मिळवून आयएएस झालेल्या आणि नंतर स्वकर्माने आयएएसपद गमावलेल्या पूजा खेडकरवर गुन्हा दाखल झालेला आहे. त्यामुळे आपली अटक रोखली जावी यासाठी खेडकरने उच्च न्यायालयात धाव घेत अटकपूर्वी जामिनाचा अर्ज केला होता. उच्च न्यायालयाने जामीन अर्ज फेटाळल्यानंतर पूजा खेडकरने सर्वोच्च न्यायालयात धाव घेतली होती. या प्रकरणात तिला सर्वोच्च न्यायालयात काही दिवसांसाठी अटकेपासून संरक्षण मिळालं आहे. त्यामुळे परीक्षा दिल्यापासून वादग्रस्त ठरलेल्या आयएएस प्रशिक्षणार्थी अधिकारी पूजा खेडकर यांना सुप्रीम कोर्टाने अखेर मोठा दिलासा मिळाला आहे.
पूजा खेडकर हिच्यावर ओबीसी आणि अपंग कोट्याचा गैरवापर केल्याचा आणि यूपीएससी परीक्षेत फसवणूक केल्याचा आरोप आहे. न्यायमूर्ती बी.व्ही. नागरत्न आणि न्यायमूर्ती सतीशचंद्र शर्मा यांच्या खंडपीठाने खेडकर यांना तपासात सहकार्य करण्याचे निर्देश दिले.
सुनावणीदरम्यान, सरकारी बाजूने उपस्थित असलेले अतिरिक्त सॉलिसिटर जनरल एसव्ही राजू यांनी उत्तर दाखल करण्यासाठी वेळ मागितला. न्यायालयाने तीन आठवड्यांचा वेळ दिला आहे. यापूर्वी, १५ जानेवारी रोजी, सर्वोच्च न्यायालयाने खेडकर यांच्या अटकपूर्व जामीन अर्जावर दिल्ली सरकार आणि यूपीएससीला नोटीस बजावली होती. खेडकर यांच्यावर यूपीएससी २०२२ च्या परीक्षेत आरक्षणाचा लाभ घेण्यासाठी चुकीची माहिती दिल्याचा आरोप आहे. दिल्ली उच्च न्यायालयाने त्यांचा अटकपूर्व जामीन अर्ज फेटाळला होता आणि म्हटले होते की या प्रकरणाची चौकशी आवश्यक आहे जेणेकरून व्यवस्थेत फेरफार करण्याचे मोठे षड्‍यंत्र उघड करता येईल.
तसेच यूपीएससी परीक्षा ही सर्वात प्रतिष्ठित परीक्षा आहे आणि हे प्रकरण संवैधानिक संस्था आणि समाजावर झालेल्या फसवणुकीचे स्पष्ट उदाहरण आहे. दिल्ली पोलिस आणि यूपीएससीने उच्च न्यायालयात खेडकर यांच्या अटकपूर्व जामिनाला विरोध केला होता. इतरांचा सहभाग निश्चित करण्यासाठी त्याची कोठडीत चौकशी आवश्यक असल्याचे दिल्ली पोलिसांनी सांगितले.
यूपीएससीने असा युक्तिवादही केला की खेडकर यांनी आयोग आणि जनतेची फसवणूक केली आहे आणि घोटाळ्याचे प्रमाण समजून घेण्यासाठी कोठडीत चौकशी आवश्यक आहे. यूपीएससीने खेडकर यांच्याविरुद्ध अनेक कारवाई सुरू केल्या, ज्यात फौजदारी खटला दाखल करणे समाविष्ट होते आणि दिल्ली पोलिसांनी त्यांच्याविरुद्ध फसवणुकीशी संबंधित कलमांखाली एफआयआर नोंदवला.
आता या प्रकरणात पुढे काय होते हे पाहणे नक्कीच मजेदार असणार आहे.
