राजस्थानच्या बिकानेरमधून एक धक्कादायक घटना उघडकीस आली आहे. एका 17 वर्षीय राष्ट्रीय वेटलिफ्टिंग खेळाडूचा सरावादरम्यान मृत्यू झाला आहे. पॉवरलिफ्टिंग खेळाडू आणि सुवर्णपदक विजेती यश्तिका आचार्य जीममध्ये सराव करताना हा अपघात घडला.

बिकानेरच्या आचार्य चौक परिसरात राहणारी यश्तिका आचार्य ही पॉवरलिफ्टिंगमध्ये राष्ट्रीय स्तरावरील खेळाडू होती. मंगळवारी संध्याकाळी 7 वाजण्याच्या सुमारास यश्तिका नेहमीप्रमाणे जिममध्ये सराव करत होती. या दरम्यान, तिने प्रशिक्षकाच्या उपस्थितीत 270 किलो वजन उचलण्याचा केला. या दरम्यान, यश्तिकाचा तोल गेला व हातातून लोखंडी बार सटकला आणि तिच्या मानेवर पडला. प्रशिक्षक व जवळपास उपस्थित असलेल्या इतर खेळाडूंनी तिची मदत केली. यावेळी यश्तिका बेशुद्ध पडली होती. प्रशिक्षकांनी तिला सीपीआर देऊन वाचवण्याचा प्रयत्न केला, परंतु यश्तिका शुद्धीवर आली नाही. मग तिला बडतोब रुग्णालयात नेण्यात आले जेथे डॉक्टरांनी तिला मृत घोषित केले.

राजस्थान राज्य पॉवरलिफ्टिंग असोसिएशनने आयोजित केलेल्या 29 व्या राजस्थान राज्य सब-ज्युनियर आणि वरिष्ठ पुरुष व महिला सुसज्ज बेंच प्रेस चॅम्पियनशिपमध्ये यश्तिकाने नुकतेच सुवर्णपदक जिंकले होते. त्याच वेळी, गोव्यात झालेल्या 33 व्या राष्ट्रीय बेंच प्रेस चॅम्पियनशिपमध्ये यस्तिकाने सुसज्ज प्रकारात सुवर्णपदक आणि अभिजात प्रकारात रौप्यपदक जिंकले होते.

यश्तिकाचे वडील हे कंत्राटदार आहेत. यश्तिकाला तिच्या मागे तीन बहिणी आहेत, तिच्या इतर बहिणींपैकी आणखी एक बहिणी देखील पॉवरलिफ्टिंग करते.

दरम्यान, कुटुंबीयांनी या प्रकरणी कोणतीही तक्रार दाखल केलेली नाही. मात्र, पोलीस या प्रकरणाचा तपास करत आहेत.