देशभरात आज महाशिवरात्रीचा सण मोठ्या उत्साहात साजरा होत आहे. आज प्रयागराज महाकुंभाचे शेवटचे स्नान देखील आहे, ज्यामध्ये लाखो आणि करोडो लोक श्रद्धेने स्नान करत आहेत.
पंतप्रधान नरेंद्र मोदी यांनीही हर हर महादेव… म्हणत देशवासियांना आज महाशिवरात्रीच्या शुभेच्छा दिल्या आहेत. यासंदर्भात त्यांनी ट्विटरवर (एक्स) शुभेच्छा संदेश पोस्ट केला आहे.
आपल्या संदेशात पंतप्रधान म्हणाले आहेत की, दरवर्षी फाल्गुन कृष्ण चतुर्दशी या तिथीला साजरा होणारा महाशिवरात्री हा हिंदू धर्मातील एक पवित्र आणि महत्त्वाचा सण आहे. हिंदू धर्मातील प्रमुख देवतांपैकी एक असलेल्या भगवान शिवाची या दिवशी विशेष पूजा केली जाते. पुराणांतील उल्लेखांनुसार, या दिवशी शिव आणि शक्तीचे मिलन झाले, तसेच शिवशंकरांनी तांडवनृत्य केले, असे मानले जाते. ‘भगवान भोलेनाथांना समर्पित महाशिवरात्री या पवित्र सणाच्या सर्व देशवासियांना हार्दिक शुभेच्छा. हा दिव्य उत्सव तुम्हा सर्वांना आनंद, समृद्धी आणि चांगले आरोग्य प्रदान करो . विकसित भारताचा संकल्प बळकट करो, असे पंतप्रधानांनी आपल्या शुभेच्छा संदेशात नमूद केले आहे.
