राष्ट्रवादी काँग्रेसचे नेते आणि राज्याचे अल्पसंख्याक मंत्री धनंजय मुंडेंनी आपल्या पदाचा राजीनामा दिला आहे. मुंडेंनी आज आपल्या पदाचा राजीनामा मुख्यमंत्री देवेंद्र फडणवीस यांच्याकडे सोपवला आहे. बीड जिल्ह्यातील सरपंच संतोष देशमुख यांच्या हत्याकांडात मुख्य आरोपी असलेला वाल्मिक कराड हा धनंजय मुंडेंचा जवळचा असल्याने गेल्या काही दिवसांपासून मुंडेंच्या राजीनाम्याची मागणी होत होती. दरम्यान, आता राजीनामा दिल्यानंतर धनंजय मुंडेंनी आपण राजीनामा का दिला? याबाबत सोशल मीडियावर प्लॅटफॉर्म एक्सवर एक पोस्ट शेअर केली आहे.

आपल्या सोशल मीडियावर शेअर केलेल्या पोस्टमध्ये त्यांनी लिहिले आहे की, ‘बीड जिल्ह्यातील मस्साजोगचे स्व. संतोष देशमुख यांच्या निर्घृण हत्येतील आरोपींना कठोरात कठोर शिक्षा व्हावी, ही माझी पहिल्या दिवसापासूनची ठाम मागणी आहे. काल समोर आलेले फोटो पाहून तर मन अत्यंत व्यथित झाले.

या प्रकरणाचा तपास पूर्ण झाला असून आरोपपत्र न्यायालयात दाखल झाले आहे. तसेच, न्यायालयीन चौकशीही प्रस्तावित आहे. माझ्या सदसद् विवेक बुद्धीला स्मरून आणि मागील काही दिवसांपासून माझी प्रकृती ठीक नसल्याने पुढील काही दिवस उपचार घेण्याचा सल्ला डॉक्टरांनी दिला आहे त्यामुळे वैद्यकीय कारणास्तव सुद्धा मी मंत्रिमंडळातून माझ्या मंत्रिपदाचा राजीनामा मा. मुख्यमंत्री महोदयांकडे दिला आहे.’ अशी पोस्ट त्यांनी आपल्या सोशल मीडियावर केली आहे.

बीड जिल्ह्यातील मस्साजोगचे स्व. संतोष देशमुख यांच्या निर्घृण हत्येतील आरोपींना कठोरात कठोर शिक्षा व्हावी, ही माझी पहिल्या दिवसापासूनची ठाम मागणी आहे. काल समोर आलेले फोटो पाहून तर मन अत्यंत व्यथित झाले.

या प्रकरणाचा तपास पूर्ण झाला असून आरोपपत्र न्यायालयात दाखल झाले आहे. तसेच,…

— Dhananjay Munde (@dhananjay_munde) March 4, 2025

महाराष्ट्रातील बीड जिल्ह्यातील मस्साजोग गावचे संतोष देशमुख यांचे गेल्या वर्षी 9 डिसेंबर रोजी अपहरण करण्यात आले होते. संतोष देशमुख हे जिल्ह्यातील एका ऊर्जा कंपनीकडून घेण्यात येणारी खंडणी थांबवण्याचा प्रयत्न करत होते. आणि यामुळेच त्यांचे अपहरण करण्यात आले आणि त्यांची निघृण हत्या करण्यात आली. असा आरोप आहे. संतोष देशमुख यांचा क्रूरपणे छळ करून त्यांची हत्या करण्यात आली. या प्रकरणी सीआयडीने 27 फेब्रुवारी रोजी या प्रकरणात आरोपपत्र दाखल केले होते.