छत्रपती शिवाजी महाराजांविषयी अपशब्द वापरणारा आणि इतिहास संशोधक इंद्रजीत सावंत यांना फोन करून धमकी देणाऱ्या नागपूर स्थित प्रशांत कोरटकरचा अंतरिम जामीन अर्ज कोल्हापूर न्यायालयाने फेटाळला आहे. न्यायालयाच्या या निर्णयामुळे आता कोरटकर याच्या अडचणी वाढल्या असून, त्याला कोणत्याही क्षणी अटक होण्याची शक्यता आहे.

प्रशांत कोरटकर याच्या अंतरिम जामीन अर्जावरील सुनावणी 17 मार्च रोजी पार पडली होती. मात्र, न्यायालयाने जामीन अर्जावरील निकाल 18 मार्चपर्यंत राखून ठेवला होता. आज निकाल समोर आला असून, प्रशांत कोरटकरला अंतरिम जामीन देण्यात नकार देण्यात आला आहे.

काय आहे प्रकरण?

छत्रपती शिवाजी महाराजांचा अवमान आणि इतिहास अभ्यासक इंद्रजीत सावंत यांना धमकी दिल्याप्रकरणी प्रशांत कोरटकर विरोधात न्यायालयात याचिका दाखल करण्यात आली होती.

कोरटकरने राष्ट्रमाता जिजाऊ, छत्रपती शिवाजी महाराज आणि संभाजी महाराज यांच्याबद्दल वादग्रस्त वक्तव्य केल्याप्रकरणी कोल्हापुरातील जुना राजवाडा पोलीस ठाण्यात त्याच्या विरुद्ध गुन्हा दाखल करण्यात आला होता.