सोशल मीडिया जगातील सर्वात लोकप्रिय प्लॅटफॉर्म एक्सबाबत (X) मोठी बातमी समोर येत आहे. अब्जाधीश उद्योगपती एलन मस्क यांनी एक्स हे सोशल मीडिया प्लॅटफॉर्म विकले आहे. याची माहिती त्यांनी स्वतःला दिली आहे. मस्क यांनी एक्स (X) ३३ अब्ज डॉलरला विकला आहे. त्यांनी त्यांची आर्टिफिशियल इंटेलिजेंस कंपनी एक्सएआयशी (XAI) हा व्यवहार केला आहे.

एक्स हे सोशल मीडिया प्लॅटफॉम मस्क यांनी २०२२ मध्ये विकत घेतले होते. आधी याचे नाव ट्विटर होते. मस्क यांनी ट्विटर ४४ अब्ज डॉलर्सना विकत घेतले होते. नंतर ट्विटरचे नाव बदलून X करण्यात आले. आता मस्क यांनी एक्स हे प्लॅफॉर्म AI ला 33 अब्ज डॉलरमध्ये विकले आहे.

मस्क यांनी ‘एक्स’ विकल्यानंतर सोशल मीडियावर याची माहिती देत लिहिले. ‘हे पाऊल XAI च्या प्रगतीसाठी आहे. या करारामुळे XAI चे मुल्य आता ८० अब्ज अमेरिकन डॉलर झाले आहे. तर, X चे मूल्य हे ३३ अब्ज अमेरिकन डॉलर आहे. असं त्यांनी आपल्या पोस्टमध्ये लिहिले आहे.

@xAI has acquired @X in an all-stock transaction. The combination values xAI at $80 billion and X at $33 billion ($45B less $12B debt).

Since its founding two years ago, xAI has rapidly become one of the leading AI labs in the world, building models and data centers at…

— Elon Musk (@elonmusk) March 28, 2025

मस्क पुढे म्हणाले की, XAI आणि X चे भविष्य एकमेकांशी जोडलेले आहे. आज आम्ही डेटा, मॉडेल्स, गणना, वितरण आणि प्रतिभा एकत्रित करण्यासाठी अधिकृत पावले उचलत आहोत. हे संयोजन XAI च्या प्रगत AI क्षमता आणि कौशल्याला एकत्रित करेल. एकत्रित कंपनी अब्जावधी लोकांना अधिक स्मार्ट, अधिक अर्थपूर्ण अनुभव देईल, शोध आणि ज्ञान वाढविण्याच्या आमच्या मुख्य ध्येयाची पूर्तता करेल. ही तर फक्त सुरुवात आहे. तुमच्या सततच्या सहभागाबद्दल आणि पाठिंब्याबद्दल धन्यवाद, असेही मस्क यांनी म्हटले आहे.