सध्या सर्वत्र वक्फ दुरुस्ती विधेयकाची चर्चा सुरु असून काल (बुधवारी) तब्बल बारा तासांच्या वादळी चर्चेनंतर लोकसभेत हे विधेयक बहुमताने मंजुर मंजूर करण्यात आले. या विधेयकाच्या समर्थनार्थ 288 सदस्यांनी मतदान केले, 232 सदस्यांनी विरोध केला, तर 23 जणांनी मतदानात भागच घेतला नाही. विधेयकावरील चर्चेदरम्यान सत्ताधारी आणि विरोधी पक्षांनी आपली ताकद दाखवून दिली.मात्र अखेर हे विधेयक मंजूर करण्यात आले आहे. आज हे विधेयक राज्यसभेमध्ये मांडण्यात येणार आहे. दरम्यान, तामिळनाडूचे मुख्यमंत्री आणि द्रमुकचे अध्यक्ष एम के स्टालिन (M K Stalin) यांनी या विधेयकाला तीव्र विरोध केला आहे. आपला पक्ष या विधेयकाविरुद्ध सर्वोच्च न्यायालयात दाद मागणार असल्याचे त्यांनी विधानसभेत बोलताना सांगितले.

जेंव्हा लोकसभेत वक्फ विधेयक मंजूर झाले. तेंव्हा त्याच्या निषेधार्थ आज स्टालिन विधानसभेत हाताला काळी पट्टी बांधून आले होते. सभागृहात बोलताना ते म्हणाले की, देशातील बहुसंख्य राजकीय पक्षांनी या विधेयकाला विरोध केला होता. मात्र केंद्र सरकारने हा विरोध जुमानला नाही. काही मित्रपक्षांच्या इशाऱ्यावर पहाटे २ वाजता ही दुरुस्ती स्वीकारणे हे संविधानाच्या रचनेवर हल्ला आहे. ही धार्मिक सलोखा बिघडवणारी कृती आहे. हे अधोरेखित करण्यासाठी, आम्ही आजच्या विधानसभेच्या कामकाजात काळी पट्टी बांधून सहभागी होत आहोत. “

एम के स्टालिन यांनी अलीकडेच हिंदी भाषेला विरोध करून उर्दू भाषेचे समर्थन केले होते. त्यांच्या या निर्णयामुळे ते आपली मतपेटी मजबूत करण्यासाठी एका विशिष्ट धर्मीय लोकांचे लांगुलचालन करतात असे आरोपही त्यांच्यावर झाले आहेत. त्यामुळे स्टालिन हे अनेकदा वादात सापडले आहेत. त्यांचा मुलगा उदयनिधी स्टालिन ने तर हिंदू धर्माची तुलना डेंग्यू आणि मलेरिया या रोगांशी केली होती तेंव्हा देखील त्यांनी खूप मोठा वाद ओढुन घेतला होता. या वादामुळे ते कायम चर्चेत असतात आता वक्फ विधेयकाच्या विरोधात त्यांनी नायालयात जाण्याचा निर्णय घेतल्याने ते पुन्हा एकदा चर्चेच्या केंद्रस्थानी आले आहेत.