माजी पंतप्रधान शेख हसीना यांचे सरकार पडल्यानंतर बांगलादेशात अंतरिम सरकारची स्थापन करण्यात आली. जेव्हापासून अंतरिम सरकारचे प्रमुख मोहम्मद युनूस यांनी देशाची सर्व सूत्रे हातात घेतली तेव्हापासून बांगलादेशात सातत्याने हिंदूंवर होत असलेल्या अत्याचाराच्या घटना समोर येत आहेत. याचदरम्यान, एका हिंदू व्यक्तीला मारहाण झाल्याची बातमी समोर येत आहे.

रविवारी ६ एप्रिल २०२५ रोजी बांगलादेशातील टांगाइल जिल्ह्यात एका ४० वर्षीय अखिल चंद्र मंडल या हिंदू युवकावर काही कट्टरपंथींनी इशनिंदचा आरोप करत हल्ला केला आहे.

इस्लामिक कट्टरपंथीयांनी अखिल चंद्र मंडल याच्यावर इस्लाम आणि पैगंबर मोहम्मद यांचा अपमान केल्याचा आरोप करत त्याला मारण्याचा प्रयत्न केला. हे कमी होते की काय या व्यक्तीला वाचवण्यासाठी आलेल्या पोलिस अधिकाऱ्यांनी हल्लेखोरांऐवजी पीडितेलाच अटक केली.

सोशल मीडियावर व्हायरल झालेल्या व्हिडिओमध्ये दिसत आहे की, ‘काही कट्टरतावादी अखिलला काठ्यांनी मारहाण करत आहेत . यात त्याचे डोके फुटलेले देखील दिसत आहे. मात्र, तरीही त्याला मारहाण सुरूच आहे. सोशल मीडियावर व्हायरल झालेल्या या व्हिडिओवर अनेकजण प्रतिक्रिया देत घटनेचा निषेध करत आहेत.

#Breaking : Hindu gold businessman Akhil Karmakar brutally attacked by Jamaat-Islamist members over false blasphemy allegations. Locals say it’s a targeted move to destroy his business. His condition is still unknown.

Location : Delduar ,Tangail ,#Bangladesh… pic.twitter.com/TW2bu3rxwd

— Voice of Bangladeshi Hindus 🇧🇩 (@VHindus71) April 7, 2025

एका वृत्तानुसार, अखिल जेव्हा घराबाहेर पडला तेव्हा जमावाकडून त्याचा पाठलाग करण्यात आला. आणखीला हे लक्षात आल्यानंतर अखिल एक दुकानात लपला, पण तिथेही जमावाने त्याचा पाठलाग केला. जमावाने त्याला घेरले आणि त्याचे कपडे फाडून त्याला मारण्यात आले. पोलिस व सैन्य जेव्हा तेथे आले, तेव्हा पोलिसांनी फक्त अखिललाच अटक केली आणि हल्लेखोरांना सोडून दिले.

दरम्यान, इस्लामी कट्टरपंथी जमावाने हिंदू अखिलला मारहाण केल्यानंतर टांगाइल सदर उपजिल्हा परिषदेसमोर निदर्शने केली. आणि अखिलला जमावाच्या ताब्यात देण्याची मागणी केली.