पंतप्रधान नरेंद्र मोदी यांनी २४ एप्रिल २०२५ रोजी बिहारमधील एका सार्वजनिक सभेत जम्मू-काश्मीरमधील पहलगाम येथे झालेल्या दहशतवादी हल्ल्याचा तीव्र निषेध केला. या हल्ल्यात २५ भारतीय आणि १ नेपाळी नागरिकांचा मृत्यू झाला आणि १७ जण जखमी झाले.
मोदी यांनी या घटनेला ‘अत्यंत धक्कादायक’ म्हंटले आहे. तसेच हल्ल्याच्या आरोपींना ‘कल्पनेपेक्षा जास्त शिक्षा’ दिली जाईल, अशी ग्वाही दिली. त्यांनी भारत सरकारचा निर्धार व्यक्त करत, ‘दहशतवादी आणि त्यांच्या पाठिंब्यांना ओळखून, ट्रॅक करून आणि शिक्षा देऊन त्यांचा नायनाट केला जाईल,’ असे स्पष्ट केले.
https://x.com/narendramodi/status/1915328079418839079?t=fDAIPUTbGwzce2i16IMKAw&s=19
या घटनेनंतर, भारताने पाकिस्तानसोबतचे राजनैतिक संबंध कमी केले आहेत. सिंधू जल करार निलंबित केला आहे. तसेच मुख्य सीमा चौक्यांना बंद केले आहे. या हल्ल्याची सर्व जगभरातून निंदा झाली असून, अमेरिके, ब्रिटन आणि चीनसह अनेक देशांनी भारताच्या बाजूने आपले ठाम समर्थन दिले आहे.
पंतप्रधान मोदींच्या या भूमिकेने भारताच्या राष्ट्रीय सुरक्षेच्या दृष्टीने एक ठाम संदेश दिला आहे की, ‘आतंकी आणि त्यांच्या पाठिंब्यांना आता माफी नाही.’ या घटनेनंतर, भारत सरकारने दहशतवादी कारवायांवर कठोर कारवाई करण्याचा निर्धार व्यक्त केला आहे, ज्यामुळे देशातील नागरिकांमध्ये विश्वास आणि सुरक्षा भावना निर्माण होण्यास नक्कीच मदत होणार आहे.
