चिन्मय मांडलेकर, मृणाल कुलकर्णी, अजय पुरकर या दिग्गज कलाकारांच्या मुख्य भूमिका असणारा ‘सुभेदार’ हा मराठी सिनेमा सध्या बॉक्स ऑफिस गाजवत आहे. दिग्दर्शक दिग्पाल लांजेकर यांनी ‘सुभेदार’चे दिग्दर्शन केले असून या सिनेमाने गेल्या चार दिवसात जवळपास ६ कोटींची कमाई केली आहे. दिग्पाल यांच्या ‘शिवराज अष्टक’ या पंक्तीतील ‘सुभेदार’ हा पाचवा सिनेमा असून यामध्ये मध्यवर्ती भूमिका अभिनेते अजय पुरकर साकारत आहेत. शिवाय स्मिता शेवाळे, शिवानी रांगोळे, समीर धर्माधिकारी, अभिजीत श्वेतचंद्र हे कलाकार या सिनेमात महत्त्वाच्या भूमिका साकारत आहेत.
हा सिनेमा 25 ऑगस्टला थिएटरमध्ये प्रदर्शित झाला. तेव्हा पासूनच त्याला प्रेक्षकांचा उदंड प्रतिसाद मिळत आहे. सुभेदार सिनेमाने बॉक्स ऑफीसवर चांगली ओपनिंग केली आहे.हा सिनेमा लहानांपासून मोठ्यांपर्यंत सर्वांनाच पसंत पडत आहे. आता सुभेदार सिनेमाच्या निर्मात्यांनी हा सिनेमा शाळकरी मुलांनी पहावा यासाठी पुढाकार घेत एक खास ऑफर दिली आहे.
यासंबधित एक पोस्ट शेयर करत त्यांनी ही माहिती दिली आहे. या पोस्टमध्ये त्यांनी लिहिले आहे की ,”महाराष्ट्रातल्या शाळकरी विद्यार्थ्यांसाठी पीव्हीआर आणि आयनॉक्स कडून एक विशेष ऑफर देण्यात आली असून या विद्यार्थ्यांना एक तिकीट १४० रुपयांना मिळणार आहे. मात्र या साठी काही अटी ठेवण्यात आल्या आहेत.
