टीम इंडियाने नेपाळविरुद्धच्या सामन्यात १० विकेट्सनी दणदणीत विजय मिळवल्यानंतर टीम इंडियाने आशिष चषक २०२३ स्पर्धेत सुपर-४ मध्ये प्रवेश केला आहे. आता भारताचा सामना पुन्हा पाकिस्तानशी होणार आहे. त्यामुळे चाहत्यांना या सामन्याची उत्सुकता लागली आहे. सुपर ४ गटामध्ये भारत आणि पाकिस्तान यांच्यात लढत होणार आहे. हा सामना रविवारी १० सप्टेंबर रोजी रंगणार आहे.
२ सप्टेंबरची भारत पाकिस्तान मध्ये सुरु झालेली स्पर्धा पावसामुळे रद्द झाली होती दरम्यान, आता ए ग्रुपमधील हे दोन्ही संघ अर्थात पाकिस्तान विरुद्ध टीम इंडिया पुन्हा एकदा एकमेकांविरुद्ध दोन हात करणार आहेत. रविवारी १० सप्टेंबर रोजी हा सामना श्रीलंकेतील कोलंबो इथे पार पडणार आहे. याआधीच्या सामन्यात पावसामुळे पाकिस्तानला बॅटिंगची संधी मिळाली नव्हती. आता पुन्हा दोन्ही संघ आमने-सामने येणार असल्याने चाहत्यांची उत्सुकता शिगेला पोहचली आहे.
