आशिया चषकानंतर टीम इंडिया मायदेशात ऑस्ट्रेलियाविरोधात तीन सामन्याची वनडे मालिका खेळणार आहे. या मालिकेतील पहिल्या एकदिवसीय सामन्याला काल मोहालीच्या मैदानावर सुरवात झाली आहे.हे तिन्ही सामने भारतीय वेळेनुसार दुपारी १. ३० वाजता खेळले जाणार आहेत.
कालच्या मोहाली पहिल्या वनडे सामन्यात भारताने ऑस्ट्रेलियाचा पराभव करत तीन सामन्याच्या मालिकेत १-० च्या फरकाने आघाडी घेतली आहे. या मालिकेतील दुसरा सामना इंदौर येथील होळकर स्टेडिअवर होणार आहे.हा सामना जिंकून मालिका विजयासाठी भारतीय संघ प्रयत्नशील असेल तर दुसरीकडे कांगारू पलटवार करण्यास सज्ज असणार आहेत. मात्र रविवारी होणाऱ्या या सामन्यावर पावसाचे सावट आहे.
हवामान विभागाच्या माहितीनुसार,रविवारी इंदौरमध्ये मुसळधार ते अतिमुसळधार पावसाचा अंदाज वर्तवण्यात आला आहे. रविवारी होणाऱ्या सामन्यादरम्यान मुसळधार पाऊस पडण्याची शक्यता आहे. मात्र, सामन्यादरम्यान पावसाचा सामना करण्यासाठी मध्य प्रदेश क्रिकेट असोसिएशनने (एमपीसीए) विशेष व्यवस्था केली आहे.
