दिग्पाल लांजेकर दिग्दर्शित सुभेदार सिनेमा बॉक्स ऑफीसवर प्रचंड गाजला. या सिनेमाने चांगला गल्ला जमवला. अशातच आता दिग्पाल लांजेकरांनी शिवराज अष्टकच्या पुढच्या सिनेमाची घोषणा केली आहे. दिग्पाल लांजेकर यांच्या शिवराज अष्टक मालिकेतील सगळ्याच चित्रपटांना प्रेक्षकांनी भरभरून प्रतिसाद दिला आहे.
शिवरायांचा छावा असे या ऐतिहासिक चित्रपटाचे नाव असुन तो १६ फेब्रुवारी २०२४ मध्ये प्रदर्शित होणार असल्याची माहिती त्यांनी आपल्या पोस्टमध्ये दिली आहे ‘शिवरायांचा छावा’ या चित्रपटाच्या माध्यमातून अलीकडच्या तरुणाईला छत्रपती संभाजी महाराजांच्या भव्य पराक्रमाची माहिती प्रेक्षकांच्या समोर येणार आहे.
“उजळला तेजाने, पुरंदराचा माथा. सह्याद्री सांगतो, पराक्रमाची गाथा. शत्रू होई परास्त, असा ज्याचा गनिमी कावा. शिवशंभूचा अवतार जणू अवतरला ‘शिवरायांचा छावा’” असे कॅप्शन देत दिग्पाल लांजेकर यांनी नव्या चित्रपटाची पहिली झलक प्रेक्षकांबरोबर शेअर केली आहे.
छत्रपती संभाजीराजे यांच्या जीवनावर आधारित हा पहिला भव्यदिव्य सिनेमा असणार आहे.
