भाजपचे राष्ट्रीय अध्यक्ष जेपी नड्डा आज मुंबई मध्ये दाखल झाले आहेत. भाजप नेत्यांसह त्यांनी लालबागच्या राजाचे दर्शन घेतले. यावेळी त्यांच्यासोबत उपमुख्यमंत्री देवेंद्र फडणवीस, भाजप नेते विनोद तावडे, प्रदेशाध्यक्ष चंद्रशेखर बावनकुळेही उपस्थित होते. यानंतर नड्डा भाजप नेत्यांच्या घरीही गणपती दर्शनासाठी जाणार आहेत.
गिरगावातील केशवजी नाईक चाळीच्या सार्वजनिक गणेश उत्सवाचे हे १३१ वर्ष आहे. लोकमान्य टिळकांच्या प्रेरणेने मुंबईतील सर्वात पहिला गणेश उत्सव साजरा करण्यात आला होता. नड्डा या मंडळास सदिच्छा भेट देणार आहेत. त्यांच्यासोबत यावेळी पालकमंत्री मंगल प्रभात लोढा यांची विशेष उपस्थिती असणार आहे.
