मुंबईकरांसाठी दिलासादायक बातमी आहे. मुंबईला पाणीपुरवठा करणारे सातही तलाव भरले आहेत.सध्या या सर्व तलावात ९९.२७टक्के पाणीसाठा झाला आहे. त्यामुळे मुंबईची पाणीचिंता मिटली आहे. सातही तलावांची पाणी साठवण क्षमता १४ लाख ४७ हजार ३६३ दशलक्ष लिटर आहे. याच कालावधीत गेल्यावर्षीच्या तुलनेत हाच साठा अधिक आहे. गेल्या वर्षी याच कालावधीत ९८.६८ टक्के पाणीसाठा होता.
अप्पर वैतरणा, मोडकसागर, तानसा, मध्य वैतरणा, भातसा, विहार आणि तुळशी तलावांमधून मुंबईकरांना पाणीपुरवठा करण्यात येतो.गेले काही दिवस मुंबईमध्ये पडलेल्या समाधानकारक पावसाने पुढच्या वर्षभरासाठी मुंबईकरांची पाण्याची चिंता मिटवली आहे.
