आज महात्मा गांधींची १५४ वी जयंती आहे. संपूर्ण देशात आज विविध कार्यक्रमांचे आयोजन करण्यात आले असून गांधी जयंती उत्साहात साजरी केली जात आहे. आज ह्या दिनाचे औचित्य साधत देशभरात स्वच्छता अभियानही राबवले जात आहे.पंतप्रधान नरेंद्र मोदी यांच्यासह राष्ट्रपती द्रौपदी मुर्मू यांनी राजधानी दिल्लीतील राजघाट येथील महात्मा गांधी यांच्या समाधीला अभिवादन केले आहे. यावेळी पंतप्रधान मोदी यांच्या समवेत काँग्रेस अध्यक्ष मल्लिकार्जुन खरगे, लोकसभा अध्यक्ष ओम बिर्ला, दिल्लीचे उपराज्यपाल वी. के. सक्सेना, उपराष्ट्रपती जगदीप धनखड यांच्यासहीत अनेक नेते राजघाटावर बापूंना श्रद्धांजली अर्पण करण्यासाठी उपस्थित होते.
पंतप्रधान नरेंद्र मोदी यांनी एक्स वर ट्विट करत गांधीजींना अभिवादन केले आहे.
