बॉलीवूडचा आघाडीचा अभिनेता खिलाडी अक्षय कुमारने सोशल मीडियाच्या माध्यमातून त्याच्या आगामी ‘स्काय फोर्स’ सिनेमाची घोषणा केली आहे. हा सिनेमा बरोबर एका वर्षाने अर्थात २ऑक्टोबर २०४ रोजी गांधी जयंतीनिमित्त सिनेमागृहात प्रदर्शित होणार आहे. या सिनेमाची घोषणा करत अभिनेत्याने या सिनेमाचा टीझरदेखील शेअर केला आहे.
‘स्काय फोर्स’ हा सिनेमा भारताच्या पहिल्या हवाई युद्धावर आधारित आहे. या सिनेमात अक्षय कुमार हवाई दलातील अधिकाऱ्याच्या भूमिकेत दिसणार आहे. टीझर शेअर करत अभिनेत्याने लिहिले आहे,”आज गांधी आणि शास्त्री जयंतीनिमित्त संपूर्ण देश जय जवान, जय किसान, जय विज्ञान, जय अनुसंधानच्या घोषणा देत आहे” .
अक्षयने पुढे लिहिले आहे की ,”स्काय फोर्स’ या सिनेमाची घोषणा करण्यासाठी आजच्यासारखा दिवस असूच शकत नाही. हवाई युद्धाची गोष्ट प्रेक्षकांना या सिनेमात पाहायला मिळणार आहे. या सिनेमावर प्रेम करा. जय हिंद..जय भारत…’स्काय फोर्स’ चाहत्यांनाही या अक्षयच्या पोस्टवर या सिनेमाची प्रतीक्षा करू शकत नाही अश्या अर्थाच्या प्रतिक्रिया दिल्या आहेत.
