आज एकदिवसीय विश्वचषक 2023 मध्ये भारत आणि अफगाणिस्तान संघ एकमेकांसमोर उभे ठाकणार आहे.आयपीएलमधील विराट कोहली आणि नवीन-उल-हक यांच्यातील वाद सर्वांनाच ठाऊक आहे. आयपीएलनंतर कोहली आणि नवीन उल-हक आमने-सामने येणार असल्याने आजच्या सामन्याकडे सर्वांच्या नजरा लागल्या आहेत.
टीम इंडिया पुन्हा एकदा त्यांचा स्टार सलामीवीर शुभमन गिलशिवाय मैदानात उतरणार आहे. शुभमन गिल आजारपणामुळे वर्ल्ड कपमधील दुसऱ्या सामन्यातून बाहेर गेला आहे. आजचा सामना दिल्लीत २ वाजता सुरु होणार आहे.
टीम इंडियाचा हा सामना जिंकून विजयी घोडदौड कायम राखण्याचा प्रयत्न असेल तर तर बांगलादेश विरुद्ध पराभवाने सुरुवात केल्यानंतर अफगाणिस्तान विजयी खाते उघडण्याचा प्रयत्न करताना दिसेल. टीम इंडियासमोर अफगाणिस्तानचे कडवट आव्हान असणार आहे. त्यामुळे हा सामना चांगलाच चुरशीचा होण्याची शक्यता आहे. हा सामना नवी दिल्लीतील अरुण जेटली स्टेडियम (आधीचं फिरोजशाह कोटला) इथे पार पडणार आहे
