अहमदनगर-आष्टी रेल्वेला भीषण आग लागल्याची घटना घडली आहे. आगीत रेल्वेचे चार ते पाच डब्बे जळून पूर्ण खाक झाले आहेत. अद्याप जीवितहानी झाल्याची माहिती समोर आलेली नाही.
आगीवर नियंत्रण मिळवण्याचे प्रयत्न सुरु आहेत. मिळालेल्या माहितीनुसार, रेल्वेला आग लागल्यानंतर काही प्रवाशांनी उड्या मारुन आपला जीव वाचवला आहे.रेल्वेच्या दोन डब्यातून धूर येताना दिसताच सर्वा प्रवाशांना सुखरूप गाडीबाहेर काढण्यात आले त्यामुळे या घटनेत कोणतीही जीवीतहानी झालेली नाही. मात्र या भीषण आगीमुळे रेल्वेचे मोठे नुकसान झाले आहे.
शिराडोह परिसरात ही आग लागल्याची माहिती आहे.आगीचे कारण समजू शकलेले नाही. पोलिस आणि रेल्वेचे कर्मचारी घटनास्थळी दाखल झाले आहेत. आग विझवण्यासाठी शर्थीचे प्रयत्न केले जात आहेत.
