विश्वचषक स्पर्धेदरम्यान पुण्यात आज भारत बांग्लादेश दरम्यान क्रिकेट मॅच रंगणार आहे. हा सामना पुण्यातील एमसीए स्टेडिअमवर होणार आहे. यानिमित्त पुण्यातील वाहतुकीत बदल करण्यात आले आहे.
आज मोठ्या प्रमाणात क्रिकेट प्रेमी पुण्यात दाखल होणार आहे. या मैदानावर पाच सामने खेळले जाणार आहे. दरम्यान, आज होणाऱ्या सामन्यासाठी मोठी गर्दी लक्षात घेता वाहतूक कोंडी होऊ नये म्हणून पुण्यात वाहतुकीत मोठा बदल करण्यात आला आहे. स्टेडियमवर येण्यासाठी रस्ते बदल करण्यात आले आहे.
आज दुपारी २ वाजता ह्या सामन्याला सुरवात होणार आहे.
याआधी एकदिवसीय विश्वचषक स्पर्धेत भारत आणि बांगलादेश यांच्यात चार सामने खेळले गेले आहेत, ज्यामध्ये भारताने तीन सामने जिंकले आहेत आणि बांगलादेशने एक सामना जिंकला आहे. सध्या टीम इंडिया चांगली फॉर्म मध्ये असून रोहित शर्मा (च्या नेतृत्वाखालील भारतीय संघाने विजयाची हॅटट्रिक केली असून आता लक्ष्य गुणतालिकेतील अव्वल स्थानावर आहे. त्यासाठी बांगलादेश विरोधातील सामना जिंकणं आवश्यक आहे.
