ललित पाटील प्रकरणात मोठा ट्विस्ट आला असून या प्रकरणी नाशिक पोलिसांनी दोन महिलांना अटक केली आहे. या दोन्ही महिलांना आज पुणे पोलिसांच्या हवाली करण्यात आले आहे प्रज्ञा कांबळे आणि अर्चना निकम अशी दोघींची नावे असून या दोघीही ललित पाटील याच्या मैत्रिणी आहेत .ललित पाटील ससून रुग्णालयातून पळून गेल्यानंतर तो या दोघींच्या संपर्कात होता. त्याला पळून जाण्यासाठी दोघींनी मदत केली होती तसेच फरार असल्याच्या काळात तो सातत्याने या दोघींच्या संपर्कात होता. अशी माहिती समोर आली आहे.
ड्रग्सच्या काळया कमाईतून मिळवलेला पैसा ललित पाटीलने या दोघींकडे ठेवल्याची माहिती पोलिसांना मिळाल्यानंतर .बुधवारी रात्री पोलिसांनी नाशिक शहरातून दोघींनी अटक केली..
दरम्यान पुणे न्यायालयात आज या दोघीना हजर केले जाणार आहे. त्यामुळे ललित पाटील प्रकरणी धक्कादायक खुलासे होणार असून मोठ्या रॅकेटचा पर्दाफाश होण्याची शक्यता वर्तवली जात आहे.
